ന്യൂയോർക്ക്: യുഎസ് സൈന്യം പിടികൂടിയ വെനസ്വേലൻ പ്രസിഡന്റ് നിക്കോളാസ് മദുറോയെ ന്യൂയോർക്കിൽ എത്തിച്ചു. ന്യൂയോർക്കിലെ ബ്രുക്ലിൻ തടവറയിലേക്കാണ് മദുറോയെ കൊണ്ടുവന്നിരിക്കുന്നത്. കൈവിലങ്ങിട്ട് യുഎസ് ഉദ്യോഗസ്ഥർക്കൊപ്പം സെല്ലിലേക്ക് വരുന്ന വീഡിയോയും പുറത്തുവന്നിട്ടുണ്ട്.”ഗുഡ് നൈറ്റ്, ഹാപ്പി ന്യൂ ഇയർ,” മദുറോ വീഡിയോയിൽ പറയുന്നത് കേൾക്കാം.
ബ്രുക്ലിനിൽ വെച്ച് മദുറോയെ വിശദമായി ചോദ്യം ചെയ്യും തുടർന്ന് യുഎസ് കോടതിയിൽ ഹാജരാക്കും. മയക്കുമരുന്ന് കടത്ത് ശൃംഖലയ്ക്ക് നേതൃത്വം നൽകി അമേരിക്കൻ ജനതയെ നശിപ്പിക്കാൻ ശ്രമിച്ചു എന്ന ‘നാർക്കോ-ടെററിസം’ കുറ്റമാണ് മദുറോയ്ക്കും ഭാര്യയ്ക്കും മേൽ അമേരിക്ക ചുമത്തിയിരിക്കുന്നത്. നേരത്തെ, യുഎസ് പ്രസിഡന്റ് ഡൊണാൾഡ് ട്രംപ് മദുറോയുടെ കണ്ണുകെട്ടിയ ചിത്രം ട്രൂത്ത് സോഷ്യലിൽ പങ്കുവെച്ചിരുന്നു.
ശനിയാഴ്ച പുലർച്ചെ 2 മണിയോടെ കാരക്കാസിലെ ഫോർട്ട് ടിയുന സൈനിക സമുച്ചയത്തിലുള്ള പ്രസിഡന്റിന്റെ വസതിയിൽ ഉറങ്ങിക്കിടക്കുമ്പോഴാണ് മദുറോയെയും ഭാര്യയെയും യുഎസ് സൈന്യം പിടികൂടിയത്. യുഎസ് മാസങ്ങളായി ഓപ്പറേഷനുള്ള തയ്യാറെടുപ്പിലായിരുന്നു എന്നാണ് റിപ്പോർട്ട്. ‘ഓപ്പറേഷൻ അബ്സൊല്യൂട്ട് റിസോൾവ്’ എന്ന് പേരിട്ടിരിക്കുന്ന ഈ സൈനിക നടപടിയുടെ ഭാഗമായി കാരക്കാസിലെ വിവിധ ഇടങ്ങളിൽ അമേരിക്ക ബോംബാക്രമണം നടത്തിയിരുന്നു,
