ആലപ്പുഴ: അമ്മയുടെ മൃതദേഹം മകന് ആരുമറിയാതെ കുഴിച്ചുമൂടി. ആലപ്പുഴ തുറവൂരിലാണ് സംഭവം. തുറവൂര് മനക്കോടം സ്വദേശി രാധയുടെ മൃതദേഹമാണ് മകന് ഗിരീഷ് ആരും അറിയാതെ കുഴിച്ചുമൂടിയത്. 77 വയസ്സായിരുന്നു. നാട്ടുകാരുടെ പരാതിയില് കുത്തിയതോട് പൊലീസ് അസ്വാഭാവിക മരണത്തിന് കേസ് എടുത്തു.മരണത്തില് ദുരൂഹതയുണ്ടെന്നാണ് നാട്ടുകാര് പറയുന്നത്. അമ്മയെ കൊലപ്പെടുത്തിയ ശേഷം മൃതദേഹം കുഴിച്ചുമൂടിയതാവാമെന്നാണ് സംശയിക്കുന്നത്. അടക്കളയിലാണ് അമ്മയെ കുഴിച്ചിട്ടത്.
സംഭവത്തില് മകന് ഗിരീഷിനെ പൊലീസ് കസ്റ്റഡിയിലെടുത്തു. രാധയുടെ മൃതദേഹം ഇന്ന് പുറത്തെടുത്ത് പോസ്റ്റ് മോര്ട്ടം ചെയ്യും. പ്രതിയെ ചോദ്യം ചെയ്തുവരികയാണെന്ന് പൊലീസ് പറഞ്ഞു.
അമ്മയുടേത് സ്വഭാവികമരമണമാണെന്നാണ് ഗിരീഷ് പറയുന്നത്. മരണശേഷം മൃതദേഹം താന് സംസ്കരിക്കുകയായിരുന്നെന്നും ഇയാള് പറയുന്നു.ഗിരീഷ് മദ്യപാനിയാണെന്നും അമ്മയും മകനും തമ്മില് വഴക്കിടല് പതിവായിരുന്നെന്നും നാട്ടുകാര് പറയുന്നു.
രാധയെ കാണാതായതോടെ സംശയം ഉയർന്ന അയല്വാസികള് മകനോട് കാര്യങ്ങള് തിരക്കിയപ്പോള് അവര് മരിച്ചെന്നും താന് സംസ്കാരം നടത്തിയതായും ഗിരീഷ് പറഞ്ഞു. തുടർന്ന് നാട്ടുകാര് വിവരം പൊലീസിനെ അറിയിക്കുകയായിരുന്നു.
