വിവാഹ തടസ്സങ്ങൾ മറുവാനായി നിരവധി ക്ഷേത്രസങ്കേതങ്ങളിൽ വിശേഷാൽ പൂജകളുണ്ട്. അത്തരത്തിൽ സവിശേഷമായ ദേവത ബാലഗോപാലനായി വാണരുളുന്ന ക്ഷേത്രമാണ് ഉളനാട് ശ്രീ കൃഷ്ണ സ്വാമി ക്ഷേത്രം.പത്തനംതിട്ട ജില്ലയിൽ പന്തളത്തിനടുത്ത് ഉളനാട് എന്ന ഗ്രാമത്തിൽ സ്ഥിതിചെയ്യുന്ന പ്രസിദ്ധമായ ക്ഷേത്രമാണ്. ഇവിടുത്തെ ഏറ്റവും ഖ്യാതിഏരിയ വഴിപാടാണ് ഉറി സമർപ്പണം. ഉദ്ദിഷ്ടകാര്യസിദ്ധിക്കായി ഉറി വഴിപാട് സമർപ്പിക്കുന്ന ഏക ക്ഷേത്രമെന്ന പ്രത്യേകതയാണ് ഇവിടെയുളളത്.
കൃഷ്ണന്റെ ബാലരൂപത്തിൽ പ്രതിഷ്ഠ ഉള്ള അപൂർവം ക്ഷേത്രങ്ങളിൽ ഒന്നാണിത്. ക്ഷേത്രത്തിൽ ഉറി വഴിപാടായി നേർന്നുകൊണ്ട് എല്ലാ രോഹിണിനാളിലും നടക്കുന്ന മഹാ സുദർശന ലക്ഷ്യ പ്രാപ്തി പൂജ നടത്തിയാൽ ആഗ്രഹ സാഫല്യവുമുണ്ടാകുമെന്നാണ് വിശ്വാസം.
വർഷങ്ങൾക്ക് മുന്നേ ഭഗവാന്റെ പ്രതിഷ്ഠാ സമയത്ത് കൃഷ്ണപരുന്ത് ശ്രീ കോവിലിനു മുകളിൽ വട്ടമിട്ടു പറന്നു എന്നാണു ഐതീഹ്യം. ഒരിക്കൽ പുനർനിർമ്മാണ സമയത്ത് താഴികക്കുടം ഇളക്കിയപ്പോൾ പ്രതിഷ്ഠാ സമയത്ത് ഉള്ളിൽ സ്ഥാപിച്ച വെറ്റില വാടാതിരുന്ന സംഭവം പ്രസിദ്ധമായതായിരുന്നു.
ഉദ്ധിഷ്ടകാര്യസിദ്ധിക്കു മാത്രമല്ല സാധനങ്ങൾ കളഞ്ഞുപോയൽ പാൽപ്പായസം വഴിപാട് നേർന്നു ഭഗവാനെ വന്നു പ്രാർഥിച്ചാൽ സാധനം തിരികെ കിട്ടും എന്ന വിശ്വാസവുമുണ്ട്. ഈ ക്ഷേത്രത്തിൽ വിധിയാം വണ്ണം വഴിപാടുകൾ നടത്തി പ്രാർഥിച്ചാൽ സന്താനഭാഗ്യം ലഭിക്കുമെന്നാണ് വിശ്വാസം.
ഇവിടെ നടത്തപ്പെടുന്ന ഏറെ ഫലപ്രാപ്തിയുള്ള പൂജയാണ് മഹാസുദർശന ലക്ഷ്യ പ്രാപ്തി പൂജ.എല്ലാ രോഹിണി നാളിലും നടത്തിവരുന്ന മഹാസുദർശന ലക്ഷ്യ പ്രാപ്തി പൂജയിൽ പങ്കെടുത്താൽ വിവാഹതടസം, ജോലിതടസം, സന്താന തടസം ഇവ നീങ്ങും.എല്ലാ രോഹിണി നാളിലും “രോഹിണിയൂട്ട് ” എന്ന ചടങ്ങും നടത്തിവരുന്നു.
എല്ലാ രോഹിണി നാളിലും രാവിലെ 9.30 മുതൽ 10 .30 വരെ ഒരുമണിക്കൂർ നടക്കുന്ന പൂജയിൽ ചെറിയ തുക അടച്ചാൽ പൂജക്ക് ആവശ്യമായ നെയ് വിളക്ക് ,പൂവ് ,ചന്ദന തിരി ,കർപ്പൂരം ,ഇല ,തീർഥ പത്രം ,വെറ്റില ഇവ ക്ഷേത്രത്തിൽ നിന്നും നൽകും . ആചാര്യന്റെ നിർദ്ദേശ പ്രകാരം പൂജ തുടങ്ങും.
ഉറി സമർപ്പണത്തിന് ഉണ്ണിക്കണ്ണന്റെ ഇഷ്ട നേദ്യങ്ങളായ വെണ്ണ, കദളിപഴം, കൽക്കണ്ടം, ഉണ്ട ശർക്കര, പഞ്ചസാര, അവൽ, ഉണക്കമുന്തിരി, ഉണ്ണിയപ്പം, മധുര പലഹാരങ്ങൾ ഇവ നിറക്കാം. ഉറിയിൽ നിറക്കാനുള്ള അവൽ, പഞ്ചസാര, കൽക്കണ്ടം, ഉണ്ട ശർക്കര ഇവ എപ്പോഴും ക്ഷേത്രത്തിൽ ലഭിക്കും.മറ്റു നേടിയ വിഭവങ്ങൾ ഭക്തന്റെ ഇച്ഛക്ക് അനുസരിച്ച് പക്ഷേത്രത്തിൽ തയ്യാർ ചെയ്തു തരും. നേദ്യങ്ങൾ ഉളനാട്ടിലെ ഉണ്ണിക്കണ്ണനോട് പ്രാർഥിച്ചു കൊണ്ട് ഉറിയിൽ നിറക്കുന്നു.
നിറച്ച ഉറിയുമായി വഴിപാടുകാർ ശ്രീകോവിലിനു ചുറ്റും വാദ്യമേളങ്ങളുടെ അകമ്പടിയോടുകൂടി ഒരു പ്രദിക്ഷിണം വെച്ച ശേഷം നമസ്ക്കാരമണ്ഡപത്തിൽ വെക്കുന്നു. അതിനു ശേഷം ഉറിയിലെ വിഭവം മേൽശാന്തി ഉണ്ണിക്കണ്ണന് നേദിക്കുന്നു. ഉറി വഴിപാട് നടത്തുന്ന ഭക്തന്റെ ഏത് ആഗ്രഹവും ഉളനാട്ടിലെ ഉണ്ണിക്കണ്ണൻ സാധിച്ചു തരും.
