വിവാഹവേദികളിൽ കേൾക്കുന്ന സംഗീതത്തിനും താളവാദ്യങ്ങൾക്കും വിവാഹവുമായി അഭേദ്യമായ ബന്ധമുണ്ട്. ഒരു ഘട്ടത്തിൽ വിവാഹ വേളയുടെ വൈബ് തന്നെ അവിടെ ഉയരുന്ന സാന്ദ്രമായ സംഗീതമാണ്.
ആ സംഗീത ഈ മഹത്തായ സംയോജനത്തിന് ശുഭകരമായ അന്തരീക്ഷം കൊണ്ടുവരുന്നു എന്നാണ് പറയപ്പെടുന്നത്. മാത്രവുമല്ല ഈ സംഗീതം ദമ്പതികളെ ഗംഭീരമായി സ്വാഗതം ചെയ്യാനും സഹായിക്കുന്നു. . കേരളത്തിന്റെ സാംസ്കാരിക പൈതൃകത്തിലും ക്ഷേത്ര പാരമ്പര്യങ്ങളിലും ആഴത്തിൽ വേരൂന്നിയ ഈ പരമ്പരാഗത ശബ്ദങ്ങൾ നെഗറ്റീവ് എനർജിയെ അകറ്റുകയും അതിഥികളെ ബഹുമാനിക്കുകയും ചെയ്യുന്നതിന്റെ ഭാഗമാണെന്നും വിശ്വാസമുണ്ട്.
നാദസ്വരം, തവിൽ, ചെണ്ട എന്നിവയാണ് ഇതിൽ പ്രധാനമായും നാം കേരളത്തിൽ കണ്ടുവരുന്ന വാദ്യോപകരണങ്ങൾ. നാദസ്വരം ഇരട്ട ഈഴകൊണ്ട് നിർമ്മിച്ച വായുവിന്റെ സഞ്ചാരം കൊണ്ട് പ്രവർത്തിക്കുന്ന ഒരു വാദ്യോപകരണമാണ്. നാദസ്വരത്തിനൊപ്പം ഉപയോഗിക്കപ്പെടുന്ന ഒരു താളവാദ്യ ഉപകരണമാണ് തവിൽ. ഇത് ഈണങ്ങൾക്ക് താളം നൽകുന്നു.
ചെണ്ട വളരെ പരിചിതമായ വാദ്യോപകരണമാണ്. വടികൾ ഉപയോഗിച്ച് കൊട്ടുന്ന ഇത് വരനെ സ്വാഗതം ചെയ്യുന്നതിനും ഘോഷയാത്രയ്ക്ക് ആവേശം പകരുന്നതിനും ഉപയോഗിക്കുന്നതാണ് . ഇത്തരം വാദ്യോപകരണങ്ങളുടെ ശബ്ദം പലപ്പോഴും അന്തരീക്ഷത്തെ ആവേശഭരിതമാക്കുന്നത്തിനും സഹായിക്കുന്നു.
