ഓണം എത്തുന്നതോടെ കേരളത്തിൽ വിവാഹങ്ങളുടെ തിരക്കേറും. ബന്ധുക്കളും സുഹൃത്തുക്കളും ഒത്തുചേരുന്ന സന്തോഷവേളയാണെങ്കിലും, വിവാഹദിനം മനോഹരമാക്കാൻ മുൻകൂട്ടിയുള്ള ആസൂത്രണം അനിവാര്യമാണ്.
വിവാഹത്തിന് മുൻപ് ചെയ്യേണ്ട പ്രധാന കാര്യങ്ങൾ
1. ബജറ്റ് കൃത്യമായി തയ്യാറാക്കുക
വേദി, ഭക്ഷണം, വസ്ത്രം, ആഭരണം, ഫോട്ടോഗ്രഫി, മേക്കപ്പ്, അലങ്കാരം, യാത്ര തുടങ്ങിയ ചെലവുകൾ മുൻകൂട്ടി കണക്കാക്കുക. അടിയന്തര ചെലവുകൾക്കായി ചെറിയൊരു തുക മാറ്റിവയ്ക്കുന്നതും നല്ലതാണ്.
2. വേദി നേരത്തെ ബുക്ക് ചെയ്യുക
ഓണക്കാലത്ത് വിവാഹ വേദികൾക്ക് വലിയ ഡിമാൻഡായിരിക്കും. പാർക്കിങ് സൗകര്യം, മഴ പെയ്താൽ സ്വീകരിക്കാനുള്ള സംവിധാനം, വൈദ്യുതി, ശുചിമുറികൾ തുടങ്ങിയ കാര്യങ്ങളും പരിശോധിക്കണം.
3. മഴയ്ക്ക് തയ്യാറെടുക്കുക
ഓണക്കാലത്ത് മഴ പെയ്യാനുള്ള സാധ്യത കണക്കിലെടുത്ത് മണ്ഡപം, ഭക്ഷണശാല, വാഹന പാർക്കിങ് എന്നിവയ്ക്ക് മഴസംരക്ഷണം ഉറപ്പാക്കുക. ഔട്ട്ഡോർ പരിപാടിയാണെങ്കിൽ ബദൽ സംവിധാനവും വേണം.
4. വിവാഹ വസ്ത്രങ്ങൾ നേരത്തെ തയ്യാറാക്കുക
വധുവിന്റെയും വരന്റെയും വസ്ത്രങ്ങൾ അവസാന നിമിഷത്തേക്ക് മാറ്റിവയ്ക്കരുത്. ബ്ലൗസ്/ഷർട്ട് fitting, alterations, footwear എന്നിവയും മുൻകൂട്ടി പരിശോധിക്കുക.
5. മേക്കപ്പ്-ഹെയർ ആർട്ടിസ്റ്റിനെ നേരത്തെ ബുക്ക് ചെയ്യുക
ഓണക്കാലത്ത് ബ്യൂട്ടി പ്രൊഫഷണലുകൾക്ക് തിരക്കായിരിക്കും. വിവാഹദിവസത്തെ സമയക്രമം കൃത്യമായി നൽകി ബുക്കിങ് ഉറപ്പാക്കുക.
വധുവിന്റെ പ്രത്യേക ശ്രദ്ധ
വിവാഹത്തിന് ഏതാനും ദിവസം മുമ്പ് പുതിയ സ്കീൻ കെയർ പ്രോഡക്ട് പരീക്ഷിക്കാതിരിക്കുക., മതിയായ ഉറക്കം ഉറപ്പാക്കുക, വെള്ളം ധാരാളം കുടിക്കുക,
വളരെ കഠിനമായ diet അവസാന ദിവസങ്ങളിൽ ഒഴിവാക്കുക, ആഭരണങ്ങളും മറ്റും മുൻകൂട്ടി തയ്യാറാക്കി വയ്ക്കുക.
ഭക്ഷണവും ആരോഗ്യവും
ഓണക്കാലത്ത് സദ്യയും മറ്റ് വിഭവങ്ങളും കൂടുതലായി കഴിക്കുന്നതിനാൽ വിവാഹത്തിന് മുമ്പുള്ള ദിവസങ്ങളിൽ ഭക്ഷണത്തിൽ അൽപം ശ്രദ്ധ വേണം. പ്രത്യേകിച്ച് പുറത്തുനിന്നുള്ള ഭക്ഷണം കഴിക്കുമ്പോൾ ശുചിത്വം ഉറപ്പാക്കുക. വിവാഹദിവസം വെള്ളം കുടിക്കുന്നത് മറക്കരുത്. നീണ്ട ചടങ്ങുകൾക്കിടയിൽ ഭക്ഷണം ഒഴിവാക്കുന്നതും നല്ലതല്ല.
അതിഥികളുടെ യാത്ര
ഓണക്കാലത്ത് റോഡുകളിൽ തിരക്ക് കൂടാൻ സാധ്യതയുള്ളതിനാൽ ദൂരസ്ഥലങ്ങളിൽ നിന്ന് വരുന്ന അതിഥികൾക്ക് യാത്രാ മാർഗം, പാർക്കിങ്, താമസം എന്നിവ മുൻകൂട്ടി അറിയിക്കുക. വിമാനത്താവളത്തിൽ നിന്നോ റെയിൽവേ സ്റ്റേഷനിൽ നിന്നോ എത്തുന്നവർക്കായി ആവശ്യമെങ്കിൽ പിക്കപ്പ് സൗകര്യവും ഒരുക്കാം.
അവസാന ദിവസത്തെ Checklist
വിവാഹ വസ്ത്രങ്ങൾ
ആഭരണങ്ങൾ
വിവാഹ ക്ഷണക്കത്ത്/അതിഥി ലിസ്റ്റ്
വേദി ബുക്കിങ് സ്ഥിരീകരണം
ഫോട്ടോഗ്രാഫർ & വീഡിയോ ടീം
മേക്കപ്പ് ആർട്ടിസ്റ്റ്
ഭക്ഷണത്തിന്റെ അന്തിമ എണ്ണം
വാഹനങ്ങൾ
താമസ സൗകര്യം
മഴയ്ക്കുള്ള ബദൽ സംവിധാനം
വിവാഹച്ചടങ്ങിന്റെ സമയക്രമം
ആവശ്യമായ രേഖകൾ
അടിയന്തരമായി ബന്ധപ്പെടേണ്ടവരുടെ ഫോൺ നമ്പറുകൾ
ഏറ്റവും പ്രധാനമായി: വിവാഹത്തിന്റെ അവസാന ദിവസങ്ങളിൽ എല്ലാ കാര്യങ്ങളും സ്വയം നിയന്ത്രിക്കാൻ ശ്രമിക്കാതെ, ഒരു ബന്ധുവിനെയോ വെഡ്ഡിംഗ് കോർഡിനേറ്ററിനെയോ ചുമതലപ്പെടുത്തുക. അങ്ങനെ ചെയ്താൽ വധൂവരന്മാർക്ക് സമ്മർദ്ദം കുറച്ച് വിവാഹദിനം ആസ്വദിക്കാനാകും.
