രാജ്യ തലസ്ഥാനമായ ഡൽഹി ചരിത്രസ്മരകങ്ങൾ കൊണ്ട് മാത്രമല്ല, നവദമ്പതികൾക്ക് ആസ്വദിക്കാൻ പറ്റിയ മനോഹരമായ പാർക്കുകളും, ഡൈനിംഗ് കേന്ദ്രങ്ങളും കൊണ്ട് സമ്പന്നമാണ്. കുറഞ്ഞ ചിലവിൽ അടിപൊളിയായി ഡൽഹിയിലെ കപ്പിൾസ് സ്പോട്ടുകൾ ആസ്വദിക്കാൻ 3 ദിവസം മതിയാകും. ഹിന്ദി ഭാഷയാണ് പ്രധാനമെങ്കിലും ഇംഗ്ലീഷ് ഭാഷയും ടൂറിസ്റ്റ് കേന്ദ്രങ്ങളിൽ സംസാരിക്കും.
മനോഹരമായ പൂന്തോട്ടങ്ങളും ശില്പങ്ങളും നിറഞ്ഞ പ്രണയാർദ്രമായ ഇടമാണ് ഗാർഡൻ ഓഫ് ഫൈവ് സെൻസസ്. പഴയ കോട്ടയുടെ അവശിഷ്ടങ്ങളും മനോഹരമായ തടാകവും കഫേകളും ഒത്തുചേരുന്ന സ്ഥലമാണ് ഹൗസ് ഖാസ് വില്ലേജ്. പച്ചപ്പും ചരിത്രസ്മാരകങ്ങളും നിറഞ്ഞ ലോധി ഗാർഡൻ പാർക്കിലൂടെ ശാന്തമായി നടക്കാനും സമയം ചിലവഴിക്കാനും സാധിക്കുന്നു.
കുത്തബ് മിനാറിലെ മെഹ്റൗളി ആർക്കിയോളജിക്കൽ പാർക്ക് ചരിത്രസ്മാരകങ്ങക്കിടയിൽ സ്വകാര്യത ആഗ്രഹിക്കുന്നവർക്ക് അനുയോജ്യമാണ്. രാത്രിയിലെ ലൈറ്റിംഗും റൂഫ്ടോപ്പ് റേസ്റ്റോറന്റുകളും സവിശേഷമായ അനുഭവം നൽകുന്നു. ഷോപ്പിങ്ങിനും ആഡംബര ഡിന്നറിനും അനുയോജ്യമായ ഡൽഹിയുടെ ഹൃദയഭാഗമാണ് കനോട്ട് പ്ലേസ്. സമാധാനപരമായ അന്തരീക്ഷത്തിൽ സമയം ചിലവഴിക്കാൻ പറ്റിയ ഒരിടമാണ് പൂന്തോട്ടങ്ങൾക്കും ജലാശയങ്ങൾക്കും പേരുകേട്ട ഹെറിറ്റേജ് പാർക്കായ സുന്ദർ നഴ്സറി.
സാകേതിലെ ചെറിയ പാതയായ ചമ്പ ഗലി മനോഹരമായ കഫേകൾക്കും ഷോപ്പുകൾക്കും പ്രസിദ്ധമാണ്. ഇവിടുത്തെ ലൈറ്റുകളും അലങ്കാരങ്ങളും ദമ്പതികൾക്ക് ഒരു പ്രത്യേക അനുഭവം നൽകും. തിരക്കുകളിൽ നിന്ന് മാറി പ്രകൃതിയോട് ചേർന്നിരിക്കാൻ ആഗ്രഹിക്കുന്നവർക്ക് ഡീർ പാർക്ക് തിരഞ്ഞെടുക്കാം. ഇതിനുളളിലെ തടാകവും പച്ചപ്പും
വളരെ റൊമന്റിക് ആണ്.
ഡൽഹി സന്ദർശിക്കാൻ ഏറ്റവും നല്ലത് ഒക്ടോബർ മുതൽ മാർച്ച് വരെയുളള മാസങ്ങളാണ്. ഈ സമയത്തെ സുഖകരമായ കാലവസ്ഥ സൈറ്റ്സീയിംഗിനും ഔഡ്ഡോർ ആക്റ്റിവിറ്റികൾക്കും വളരെ അനുയോജ്യമാണ്.
ഡിസംബർ,ജനുവരി മാസങ്ങളിൽ നല്ല തണുപ്പ് അനുഭവപ്പെടാറുണ്ട്. ഏപ്രിൽ മുതൽ ജൂൺ വരെയുളള കഠിനമായ ചൂട് ഒഴിവാക്കുന്നതാണ് നല്ലത്. ഹണിമൂൺ ദമ്പതികൾക്ക് സെൻട്രൽ ഡൽഹിയിലോ സൗത്ത് ഡൽഹിയിലോ ഉളള ഹെറിറ്റേജ് ഹോട്ടലുകളോ ആഡംബര റിസ്സോട്ടുകളോ തിരഞ്ഞെടുക്കാം. ഇത് നഗരത്തിലെ പ്രധാന സ്ഥലങ്ങളിലേക്ക് എളുപ്പത്തിൽ എത്താൻ സഹായിക്കും. ദൂരസ്ഥലങ്ങളിലേക്ക് പോകാൻ ഡൽഹി മെട്രോ വളരെ സൗകര്യപ്രദമാണ്.
