കൊല്ലം: സംസ്ഥാന സെക്രട്ടറിയേറ്റ് പിരിച്ചുവിടണമെന്ന് സിപിഐ കൊല്ലം നേതൃയോഗത്തിൽ ആവശ്യം. മുതിർന്ന അംഗങ്ങളാണ് ഇക്കാര്യം ആവശ്യപ്പെട്ടത്. സി പി ഐ ഈ രീതി തുടർന്നാൽ സിപിഎമ്മിൽ ലയിക്കുന്നതാണ് ഭേദമെന്നും വിമർശനമുണ്ടായി.
നേതൃത്വം സിപിഐ എമ്മിന് അടിമപ്പെടുന്ന രീതി ശരിയല്ല. സ്ഥാനാർത്ഥി നിർണ്ണയത്തിന് സംസ്ഥാന സെക്രട്ടറിയേറ്റിന് ആരാണ് അധികാരം കൊടുത്തതെന്ന് വ്യക്തമാക്കണം. തെരഞ്ഞെടുപ്പിന് നേതൃത്വം നൽകേണ്ട സംസ്ഥാന സെക്രട്ടറിയേറ്റ് അംഗങ്ങൾ മത്സരിച്ചത് തെറ്റായ തീരുമാനമാണ്. ചാത്തന്നൂരുo ചടയമംഗലത്തെയും തോൽവി ഇതിന്റെ ഫലമാണ്.
അടൂരിലെ സ്ഥാനാർത്ഥിയെ കെട്ടിയിറക്കിയതാണെന്നും വിമർശനമുണ്ടായി. തെറ്റായ തീരുമാനത്തിന് നേതൃത്വം കുടപിടിച്ചു. നാദാപുരം , തൃശ്ശൂർ , വൈക്കം , അടൂർ , ചിറയിൻകീഴ് , ചാത്തന്നൂർ, ചടയമംഗലം എന്നിവടങ്ങളിൽ സ്ഥാനാർത്ഥി നിർണ്ണയം പാളി. ഇന്നലെ ചേർന്ന ജില്ല എക്സിക്യൂട്ടീവിലും
കൗൺസിലുമാണ് നേതൃത്വത്തിന് എതിരെ കടുത്ത വിമർശനം ഉയർന്നത്.
