തിരുവനന്തപുരം: വരാൻ പോകുന്ന യു ഡി എഫ് മന്ത്രിസഭയിലെ മന്ത്രിമാരുടെ കാര്യത്തില് ഏകപക്ഷീയമായ തീരുമാനവുമായി മുസ്ളീം ലീഗ് . അഞ്ച് മന്ത്രിമാരെയാണ് ലീഗ് പ്രഖ്യാപിച്ചത്. പാറക്കല് അബ്ദുള്ള, പി കെ കുഞ്ഞാലിക്കുട്ടി, കെഎം ഷാജി, എന് ഷംസുദ്ദീന്, വി ഇ ഗഫൂര് എന്നിവരാണ് ലീഗ് പ്രതിനിധികളായി മന്ത്രിമാരാകുക. പി കെ ബഷീറിന് മന്ത്രിസ്ഥാനം ഇല്ല.
വി ഇ ഗഫൂറിന് പകരം എ കെ എം അഷ്റഫിനെ പരിഗണിക്കാന് സാധ്യതയുണ്ട്. അഞ്ച് മന്ത്രിമാർ എന്ന ആഗ്രഹത്തിൽ ഉറച്ചു നിന്നു കൊണ്ടാണ് ലീഗ് മന്ത്രിമാരെ പ്രഖ്യാപിച്ചിരിക്കുന്നത്. എന്നാൽ നാല് മന്ത്രിസ്ഥാനം നൽകാമെന്നാണ് കോൺഗ്രസ് പറയുന്നത്.
അഞ്ചാം മന്ത്രി പദവി സംബന്ധിച്ച കാര്യത്തില് കോണ്ഗ്രസിന്റെ ഭാഗത്തുനിന്ന് ഒരു സ്ഥിരീകരണം ലഭ്യമായിട്ടില്ല. എന്നാല് മുസ്ലിം ലീഗ് അഞ്ച് പദവികളിലേക്ക് ഏകപക്ഷീയമായി മന്ത്രിമാരെ നിശ്ചയിച്ചിരിക്കുകയാണ് . അതേസമയം, ചര്ച്ച വീണ്ടും നടക്കുമെന്ന് പിഎംഎ സലാം അറിയിച്ചു.
