ഹണിമൂണിനെ അധികം ദൂരെയല്ലാത്ത സ്ഥലം ആഗ്രഹിക്കുന്നവക്ക് കൂർഗ് മികച്ച ചോയിസായിരിക്കും. കാപ്പി തോട്ടങ്ങളും മൂടൽമഞ്ഞ് നിറഞ്ഞ ഭൂപ്രകൃതിയും കൊണ്ട് ചുറ്റപ്പെട്ട ഒരു ഹിൽ സ്റ്റേഷനാണിത്. ഇന്ത്യയുടെ സ്കോട്ട്ലൻഡ് എന്നും ഇത് അറിയപ്പെടുന്നു.
കർണാടകയിലെ ഏറ്റവും മികച്ച ഹിൽ സ്റ്റേഷനുകളിൽ ഒന്നാണ് കൂർഗ് അഥവാ കൊടഗ്. ഈ ജില്ലയുടെ ആസ്ഥാനം മടിക്കേരി ആണ്. എല്ലാത്തരം സന്ദർശകർക്കും അനുയോജ്യമായ പ്രദേശമാണിത്. കാസർകോട് ജില്ലയിലെ പനത്തടി പഞ്ചായത്തിലെ പാണത്തൂർ, കല്ലപ്പള്ളി ബളാൽ പഞ്ചയത്തിലെ കോടംഞ്ചേരി എന്നീ സ്ഥലങ്ങളുമായും ഇവ അതിർത്തി പങ്കിടുന്നുണ്ട്. വർഷം മുഴുവനും സുഖകരമായ കാലാവസ്ഥയുള്ളതിനാൽ, എപ്പോൾ വേണമെങ്കിലും കൂർഗ് സന്ദർശിക്കാം. എന്നിരുന്നാലും, ശൈത്യകാലമാണ് കൂടുതൽ സുഖപ്രദം.
പ്രധാന ടൂറിസ്റ്റ് കേന്ദ്രങ്ങൾ
മനോഹരങ്ങളായ അബ്ബി, ഇരുപ്പു, ബൈലക്കുപ്പെ മല്ലള്ളി വെള്ളച്ചാട്ടങ്ങള്, മടിക്കേരി കോട്ട, മടിക്കേരി കൊട്ടാരം, നല്ക്നാട് കൊട്ടാരം, ഭാഗമണ്ഡല, ടിബറ്റന് ആരാധനാലയമായ ഗോള്ഡന് ടെംപിള്, ഓംകാരേശ്വര ക്ഷേത്രം, തലക്കാവേരി കാവേരി നിസര്ഗധാമ, ദുബരെ ആനപരിശീലനകേന്ദ്രം, ഹൊന്നമനകരെ, നാഗര്ഹോളെ നാഷണല് പാര്ക്ക്, ബന്ദിപ്പൂര് നാഷണല് പാര്ക്ക് എന്നിങ്ങനെ നിരവധി ടൂറിസ്റ്റ് കേന്ദ്രങ്ങൾ കൂർഗിൽ ഉണ്ട്
എങ്ങനെ എത്തിച്ചേരാം
- റെയിൽ മാർഗം – കൂർഗിന് ഏറ്റവും അടുത്തുള്ള റെയിൽവേ സ്റ്റേഷൻ മൈസൂരാണ്.
- റോഡ് മാർഗം – ബെംഗളൂരു, ഹാസൻ, മൈസൂർ തുടങ്ങിയ വിവിധ നഗരങ്ങളിൽ നിന്ന് കൂർഗിലേക്കുള്ള ബസുകൾ ലഭ്യമാണ്. അല്ലെങ്കിൽ കൂർഗിലെ പച്ച കാപ്പിത്തോട്ടങ്ങളിലൂടെ യാത്ര ആസ്വദിക്കാൻ നിങ്ങൾക്ക് ഒരു ക്യാബ് ബുക്ക് ചെയ്യാം.
- ബെംഗളൂരുവിലെയും മംഗലാപുരത്തെയും വിമാനത്താവളങ്ങളാണ് കൂർഗിന് ഏറ്റവും അടുത്തുള്ള അന്താരാഷ്ട്ര വിമാനത്താവളങ്ങൾ. അവിടെ നിന്ന് മടിക്കേരിയിലേക്ക് ബസ്, ടാക്സി, ടാക്സി എന്നിവ ലഭിക്കും.
