കോഴിക്കോട്: വെള്ളിപ്പറമ്പ് കീഴ്മാട്ടെ മരണവീട്ടിൽ വെള്ളം തിളപ്പിക്കുന്നതിനിടെ അപകടം. തിളച്ച വെള്ളം ദേഹത്തേക്ക് മറിഞ്ഞ് രണ്ടുപേർക്ക് പൊള്ളലേറ്റു. കീഴ്മാട് പുൽപ്പറമ്പിൽ പ്രകാശൻ, പുൽപ്പറമ്പിൽ അശോകൻ എന്നിവർക്കാണ് പരിക്കേറ്റത്.
ഇന്ന് ഉച്ചയ്ക്ക് ഒരു മണിയോടെയായിരുന്നു അപകടം. കഴിഞ്ഞ ദിവസം മരിച്ച കീഴ്മാട് സ്വദേശിനി അശ്വന്തയുടെ വീട്ടിൽ മരണാനന്തര ചടങ്ങുകൾക്കിടെയായിരുന്നു സംഭവം. പൊള്ളലേറ്റ ഇരുവരെയും ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
