ന്യൂയോര്‍ക്ക്: യുഎസ് ഓപ്പണ്‍ ടെന്നീസില്‍ മുന്‍ ചാമ്പ്യന്മാരായ വീനസ് വില്യംസും നോവാക് ജോക്കോവിച്ചും ആദ്യ റൗണ്ടില്‍ തോറ്റ് പുറത്തായി. അമേരിക്കന്‍ ടെന്നീസ് ഇതിഹാസം വീനസ് വില്യംസിനെ നാട്ടുകാരിയായ സോഫിയ കെനിന്‍ നേരിട്ടുള്ള സെറ്റുകള്‍ക്കാണ് തോല്‍പ്പിച്ചത്. സ്‌കോര്‍ 6-2, 7-6 (8/6). 46കാരിയായ വീനസ് മികച്ച പോരാട്ടം നടത്തിയെങ്കിലും 27കാരിയായ കെനിനോട് വിജയം കൈവിട്ടു. ആദ്യ സെറ്റ് നേടിയ കെനി രണ്ടാം സെറ്റില്‍ 4-2ന് മുന്നിലെത്തി. എന്നാല്‍ ശക്തമായി തിരിച്ചുവന്ന വീനസ് മത്സരം ടൈബ്രേക്കറിലേക്ക് നീട്ടി.
ടൈബ്രേക്കറില്‍ 6-2ന് വീനസ് മുന്നിലെത്തിയതോടെ മത്സരം സ്വന്തമാക്കുമെന്ന് കാണികള്‍ പ്രതീക്ഷിച്ചു. എന്നാല്‍ തുടര്‍ച്ചയായി ആറ് പോയിന്റുകള്‍ നേടിയ കെനി സെറ്റും മത്സരവും സ്വന്തമാക്കി. മത്സരശേഷം കാണികളെ അഭിവാദ്യം ചെയ്താണ് വീനസ് കോര്‍ട്ട് വിട്ടത്. അതേസമയം, 25-ാം ഗ്രാന്‍ഡ് സ്ലാം കിരീടം ലക്ഷ്യമിട്ട് എത്തിയ സെര്‍ബിയന്‍ താരം നോവാക് ജോക്കോവിച്ചിനും ആദ്യ റൗണ്ടില്‍ തന്നെ പുറത്താകേണ്ടിവന്നു.
അര്‍ജന്റീനയുടെ 25കാരനായ മരിയാനോ നവോനെ അഞ്ച് സെറ്റ് നീണ്ട പോരാട്ടത്തിലാണ് ജോക്കോവിച്ചിനെ അട്ടിമറിച്ചത്. സ്‌കോര്‍ 7-6 (75), 5-7, 4-6, 6-2, 6-1. 2006ലെ ഓസ്‌ട്രേലിയന്‍ ഓപ്പണിനുശേഷം ഒരു ഗ്രാന്‍ഡ് സ്ലാം ടൂര്‍ണമെന്റിന്റെ ആദ്യ റൗണ്ടില്‍ ജോക്കോവിച്ച് പുറത്താകുന്നത് ഇതാദ്യമാണ്. യുഎസ് ഓപ്പണിന് മുന്നോടിയായി ശാരീരിക അസ്വസ്ഥതകള്‍ നേരിട്ടിരുന്ന ജോക്കോവിച്ചിനെ ആരാധകര്‍ കയ്യടികളോടെയാണ് യാത്രയാക്കിയത്.
