തിരുവനന്തപുരം: തന്നോട് മോശമായി പെരുമാറിയ കോൺഗ്രസ് നേതാവ് ചേന്തി അനിലിനോട് ക്ഷമിച്ചതായി വി ഡി സതീശൻ. ജയിലിൽ നിന്ന് പുറത്തിറങ്ങിയതിന് പിന്നാലെ അനിൽ തന്നോട് ക്ഷമ ചോദിച്ചെന്നും ആ ഘട്ടത്തിൽ അദ്ദേഹമാണ് വലുതായതെന്നും താൻ ചെറുതായെന്നും സതീശൻ പറഞ്ഞു. അതുകൊണ്ടാണ് അനിലിനോട് ക്ഷമിച്ചതെന്നും അദ്ദേഹത്തോട് ഇപ്പോൾ വിരോധമില്ലെന്നും സതീശൻ വ്യക്തമാക്കി.
ചേന്തി അനിലുമായി ബന്ധപ്പെട്ട സംഭവത്തിൽ കോൺഗ്രസ് നേതൃത്വം നേരത്തെ നടപടി സ്വീകരിച്ചിരുന്നു. ജയിലിൽ നിന്ന് പുറത്തിറങ്ങിയ ശേഷം അനിൽ ക്ഷമ ചോദിച്ചതോടെ വിഷയത്തിൽ വ്യക്തിപരമായ വിരോധം തുടരുന്നില്ലെന്നാണ് സതീശന്റെ പ്രതികരണം.
അതേസമയം രമ്യ ഹരിദാസ് എംഎൽഎയും മറ്റ് നേതാക്കളും തമ്മിലുണ്ടായ കയ്യാങ്കളി സംബന്ധിച്ച വിഷയത്തിൽ പാർട്ടി അന്വേഷണം തുടരുകയാണെന്നും സതീശൻ പറഞ്ഞു. സംഭവത്തിൽ പാർട്ടി കർശന നടപടി സ്വീകരിച്ചിട്ടുണ്ടെന്നും ഇക്കാര്യത്തിൽ വീഴ്ച ഉണ്ടാകില്ലെന്നും അദ്ദേഹം വ്യക്തമാക്കി. കെപിസിസി പ്രസിഡന്റ് തന്നെ സ്വീകരിച്ച നടപടികൾ വിശദീകരിക്കുമെന്നും സതീശൻ അറിയിച്ചു.
