ന്യൂഡല്‍ഹി: ഏഷ്യന്‍ ഗെയിംസ് 2026ല്‍ ഇന്ത്യയുടെ സ്വര്‍ണവേട്ട തുടരുന്നു. പുരുഷന്മാരുടെ 57 കിലോ ഫ്രീസ്‌റ്റൈല്‍ ഗുസ്തിയില്‍ അമന് സെഹ്റാവത്ത് സ്വര്‍ണം നേടി. ഫൈനലില്‍ ഉത്തര കൊറിയയുടെ ഹാനെ പരാജയപ്പെടുത്തിയാണ് അമന് സ്വര്‍ണത്തില്‍ മുത്തമിട്ടത്. ആവേശകരമായ പോരാട്ടത്തില്‍ മികച്ച പ്രതിരോധമാണ് അമന് വിജയമൊരുക്കിയത്. മത്സരത്തിന്റെ തുടക്കത്തില്‍ ഹാന്‍ തുടര്‍ച്ചയായ ആക്രമണങ്ങളുമായി മുന്നേറി. എന്നാല്‍ അമന്റെ ഉറച്ച പ്രതിരോധത്തെ മറികടക്കാന്‍ ഉത്തര കൊറിയന്‍ താരത്തിന് സാധിച്ചില്ല.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
ഒരു ഘട്ടത്തില്‍ അമന് 6-1ന് മുന്നിലായിരുന്നു. എന്നാല്‍ ഹാന്റെ ആക്രമണങ്ങള്‍ക്ക് മറുപടി നല്‍കാനാകാതെ വന്നതോടെ സ്‌കോര്‍ 6-7 എന്ന നിലയില്‍ അമന് പിന്നിലായി. നിര്‍ണായക ഘട്ടത്തില്‍ നാല് പോയിന്റ് നേടുന്ന മികച്ച നീക്കം നടത്തിയ അമന് വീണ്ടും ലീഡ് തിരിച്ചുപിടിച്ചു. തുടര്‍ന്ന് ലീഡ് നിലനിര്‍ത്തിയ ഇന്ത്യന്‍ താരം സ്വര്‍ണം ഉറപ്പിക്കുകയായിരുന്നു. ഏഷ്യന്‍ ഗെയിംസില്‍ ഇന്ത്യ നേടുന്ന 20-ാം സ്വര്‍ണവും ആകെ 82-ാം മെഡലുമാണ് അമന് സെഹ്റാവത്തിന്റെ നേട്ടം.