ഒട്ടേറെ സവിശേഷതകളുമായി എം ഫോൺ 7എസ് വിപണിയിലേക്ക്. ഹൈബ്രിഡ് വോൾട്ടി സിം സ്ലോട്ടോടുകൂടി നാല് വ്യത്യസ്ത സീരിസിലാണ് എം ഫോൺ സെവൻ എസ് വിപണിയിലെത്തുന്നത്.
വേഗതയും സുരക്ഷയും ഉൾപ്പെടെ ഏഴ് സവിശേഷതകളോടെയാണ് ഫോൺ വിപണിയിലെത്തുക. സ്വന്തമായി ഓപ്പറേറ്റിംഗ് സിസ്റ്റമുള്ള അഞ്ചാമത്തെ സ്മാർട്ഫോൺ കമ്പനി കൂടിയായി മാറിയിരിക്കുകയാണ് മലയാളത്തിന്റെ സ്വന്തം മാംഗോ ഫോൺ. 2020ഓടെ 26 പതിപ്പുകൾ അവതരിപ്പിക്കാനാണ് കമ്പനി ലക്ഷ്യമിടുന്നത്.
ലോകത്തിലെ ഏറ്റവും കൂടുതൽ സ്പെസിഫിക്കേഷൻസ് ഉള്ള ഫോണുമായാണ് എംഫോൺ എത്തിയിരിക്കുന്നത്. 8 ജിബി റാം ഡെകാകോർ പ്രോസസ്സർ, 16 + 16 എംപി ഡ്യൂവൽ റിയർ ക്യാമറ, 13 എംപി ഫ്രണ്ട് ക്യാമറ ഉള്ളതും 32, 64, 128, 256 ജിബി സ്റ്റോറേജ് കപ്പാസിറ്റി തുടങ്ങിയ സവിശേഷതകൾ ഉള്ള ലോകത്തിലെ ആദ്യത്തെ സ്മാർട്ഫോൺ ആണ്എംഫോൺ 7s.
കൂടാതെ 6 ജിബി റാം, 13 + 13 എംപി ഡ്യൂവൽ റിയർ ക്യാമറ, 13 എംപിഫ്രണ്ട്ക്യാമറ, എന്നീ സവിശേഷതകളുള്ളതും, 4 ജിബി റാം, 13 +5 എംപി വൈഡ് ആംഗിൾ ഡ്യൂവൽ റിയർ ക്യാമറ, 13 എംപി ഫ്രണ്ട് ക്യാമറ, എന്നീ സവിശേഷതകൾ ഉള്ളതും 3 ജിബിറാം, 13 +5 എംപി വൈഡ് ആംഗിൾ ഡ്യൂവൽ റിയർ ക്യാമറ, 8 എംപി ഫ്രണ്ട് ക്യാമറ തുടങ്ങിയ സവിശേഷതകൾ ഉള്ളതുമായ 4 വ്യത്യസ്ത സീരിസിലാണ് എംഫോൺ അതിന്റെ ഏറ്റവും പുതിയ മോഡലായ എംഫോൺ 7s അവതരിപ്പിക്കുന്നത്.
ഇത്രയധികം വ്യത്യസ്ത സവിശേഷതകൾ ഉള്ള ഒരു സ്മാർട്ട്ഫോൺ മോഡൽ ലോക വിപണിയിൽ തന്നെ ആദ്യമാണ്. ഫുള്ളി ലോഡഡ് എയർക്രാഫ്റ്റ് മെറ്റൽബോഡി കൊണ്ട് നിർമിച്ച ലോകത്തിലെ ആദ്യ സ്മാർട് ഫോണായ എംഫോൺ 7s രൂപ കൽപനയിൽ ഐഫോൺ 7പ്ലസിനെ വെല്ലുന്നു. 3000mAh ലിഥിയം പോളിമെർ ബാറ്ററിയാണ് ഈമോഡലിൽ ഉപയോഗിച്ചിരിക്കുന്നത്.
മിനിറ്റുകൾക്കകം ചാർജാവുന്ന സിടൈപ്പ് ഫാസ്റ്റ് എക്സ്പ്രസ്സ് ചാർജിങ് സൗകര്യമുള്ള എംഫോൺ 7sന് 5.5 ഇഞ്ച് ഡിസ്പ്ലേ ഉള്ളപ്പോഴും ഭാരം വെറും 154 ഗ്രാം മാത്രമാണ്. സ്ക്രീൻഷോട്ട് സെലക്ഷന് സൗകര്യമുള്ള ഫ്രണ്ട് ഫിംഗർ പ്രിന്റ് സെൻസർ ആണ് മറ്റൊരു പ്രത്യേകത. വ്യത്യസ്ത തലത്തിലുള്ള സ്മാർട്ഫോൺ ഉപഭോക്താക്കളുടെ ഹരമായി മാറുന്ന രീതിയിലാണ് എംഫോൺ 7s അവതരിപ്പിക്കപ്പെടുന്നത്.
ഹൈബ്രിഡ് വോൾട്ടി സിം സ്ലോട്ടോടു കൂടി മാറ്റ് ആൻഡ് ഗ്ലോസി ഫിനിഷിങ്ങിലുള്ള സ്മാർട്ട് റെഡ്, ബ്ലാക്ക്, ഗോൾഡ്, സിൽവർ, റോസ് ഗോൾഡ് തുടങ്ങിയ 5 വ്യത്യസ്ത നിറങ്ങളിലാണ് എംഫോൺ 7s ഇറങ്ങുന്നത്.