അമേരിക്കയിലെ പ്രിൻസ്റ്റൺ സർവകലാശാലയിൽ പലസ്തീൻ അനുകൂല പ്രതിഷേധം നടത്തിയ ഇന്ത്യൻ വംശജയായ വിദ്യാർത്ഥിനിയും സുഹൃത്തും അറസ്റ്റിൽ. തമിഴ്നാട്ടുകാരിയായ അചിന്ത്യ ശിവലിംഗവും സുഹൃത്ത് ഹസൻ സെയ്ദും ചേർന്നാണ് വ്യാഴാഴ്ച സർവകലാശാലയിൽ ടെൻഡ് കെട്ടി പ്രതിഷേധിക്കാൻ ശ്രമിച്ചത്.സർവകലാശാല നിയമങ്ങൾ ലംഘിച്ചതിനാണ് ഇവരുവരെയും അറസ്റ്റ് ചെയ്തത്. പൂർവ വിദ്യാർത്ഥികളുടെ പത്രം അലുമ്നി വീക്കിലിയാണ് ഇക്കാര്യം റിപ്പോർട്ട് ചെയ്തത്.
ഇരുവരെയും കോളേജിൽ നിന്ന് പുറത്താക്കിയിട്ടില്ലെങ്കിലും കാമ്പസിൽ പ്രവേശിക്കുന്നതിൽ നിന്ന് വിലക്കിയിട്ടുണ്ട്.പബ്ലിക് അഫേഴ്സിൽ മാസ്റ്റേഴ്സിന് പഠിക്കുകയാണ് അചിന്ത്യ. സെയ്ദ് പിഎച്ച്ഡി വിദ്യാർത്ഥിയാണ്. പൊതു സുരക്ഷാ വകുപ്പിൽ നിന്ന് വിദ്യാർത്ഥികൾക്ക് പലതവണ മുന്നറിയിപ്പ് നൽകിയിരുന്നതായി സർവകലാശാല വക്താവ് മോറിൽ വ്യക്തമാക്കി.
പ്രതിഷേധങ്ങൾ അവസനാപ്പിച്ച് കാമ്പസ് വിടാൻ നിർദ്ദേശം നൽകിയിരുന്നെങ്കിലും വിദ്യാർത്ഥികൾ ഇത് അനുസരിച്ചില്ല. ഇവരുടെ അറസ്റ്റിന് പിന്നാലെ ശേഷിച്ചവർ ക്യാമ്പസ് വിട്ടു. ഇവർക്ക് അനുവദിച്ചിട്ടുള്ള ഹോസ്റ്റലുകളിൽ താസിക്കാമെന്നും അധികൃതർ വ്യക്തമാക്കി.
