‘കപ്പിൾ റൈഡ്’ എന്ന് കേൾക്കുമ്പോൾ തന്നെ നമ്മുടെ മനസിലേക്ക് ആദ്യം എത്തുന്നത് ബൈക്ക് യാത്രകളായിരിക്കും. മാസ് റൈഡുകൾ നടത്തി സ്റ്റാറുകളായ നിരവധി പേരെ സമൂഹമാദ്ധ്യമങ്ങളിൽ നമുക്ക് കാണാൻ സാധിക്കും. എന്നാൽ ഒരു മാസ് കപ്പിൾ റൈഡ് കേസായാലോ? അത്തരത്തിൽ പുലിവാൽ പിടിച്ച സ്പൈഡർമാനും സ്പൈഡർ വുമണുമാണ് ഇപ്പോൾ സമൂഹമാദ്ധ്യമങ്ങളിൽ വൈറലാവുന്നത്.
മെട്രോ സ്റ്റേഷനിൽ നിന്ന് മാസ് എൻട്രി നടത്തി വരുന്ന സ്പൈഡർ വുമണിന് മാസ് വെൽക്കം നൽകുന്ന സ്പൈഡർമാനാണ് വീഡിയോയിലുള്ളത്. പിന്നീട് ഇരുവരും പൾസർ ബൈക്കിൽ നല്ല സ്പീഡിൽ കുതിക്കുന്ന കാഴ്ചയാണ് കാണുന്നത്. ഇതിനിടയിൽ കൈവിട്ട് സ്പൈഡർമാൻ ബൈക്ക് ഓടിക്കുമ്പോൾ സ്പൈഡർവുമണും മാസ് കാണിക്കുന്നു. ഹെൽമറ്റ് പോലും ധരിക്കാതെയാണ് ഇരുവരും യാത്ര നടത്തിയത്. എന്നാൽ മാസൊക്കെ കാണിച്ച ശേഷം ഇരുവരെയും തേടിയെത്തിത് പൊലീസ് കേസാണ്. സംഗതി വൈറലുമായി പൊലീസ് കേസുമായി.
View this post on Instagram
ദില്ലിയിലെ തിരക്കേറിയ റോഡുകളിലൂടെ അപകടകരമായ രീതിയിൽ വാഹനം ഹെൽമറ്റില്ലാതെ ഓടിച്ചതിൽ സ്പൈഡർമാനെതിരെയും സ്പൈഡർവുമണിനെതിരെയും പൊലീസ് കേസെടുത്തു. ആദിത്യ എന്ന 20 കാരനും സുഹൃത്ത് അഞ്ജലിയുമാണ് സ്പൈഡർമാനും സ്പൈഡർവുണുമായത്. ഇതിന് മുമ്പും ആദിത്യ ഇത്തരത്തിൽ സ്പൈഡർമാന്റെ വസ്ത്രം ധരിച്ച് ബൈക്ക് ഓടിച്ചിട്ടുണ്ടെന്ന് പൊലീസ് പറഞ്ഞു.
