ജോഹന്നാസ്ബർഗ് : ദക്ഷിണാഫ്രിക്കയിലെ ജോഹന്നാസ്ബർഗിൽ നടന്ന കോമൺവെൽത്ത് ഗുസ്തിയിൽ ഇന്ത്യയുടെ സുശീൽ കുമാർ സ്വർണം നേടി. മൂന്നുവർഷത്തിനു ശേഷമാണ് സുശീൽ കുമാർ മത്സരങ്ങളിലേക്ക് തിരിച്ചു വരുന്നത് . ന്യൂസിലൻഡിന്റെ ആകാഷ് ഖുല്ലാറിനെയാണ് സുശീൽ കുമാർ തോൽപ്പിച്ചത് .
74 കിലോഗ്രാം ഫ്രീസ്റ്റൈൽ വിഭാഗത്തിലാണ് സുശീൽ കുമാർ വിജയിച്ചത് .2014 ൽ ഗ്ളാസ്ഗോയിലെ കോമൺ വെൽത്ത് ഗെയിംസിൽ സ്വർണം നേടിയതിനു ശേഷം ഇതാദ്യമായാണ് സുശീൽ കുമാർ ഒരു അന്താരാഷ്ട്ര മത്സരത്തിൽ മെഡൽ നേടുന്നത്.
ഇന്ത്യയുടെ തന്നെ പ്രവീൺ റാണയാണ് ഈയിനത്തിൽ വെങ്കലം നേടിയത് . നവംബറിൽ ഇൻഡോറിൽ നടന്ന സീനിയർ നാഷണൽ ഗുസ്തി ചാമ്പ്യൻഷിപ്പിലാണ് സുശീൽ കുമാർ തിരിച്ചു വന്നത് . അന്ന് അദ്ദേഹം സ്വർണം നേടിയിരുന്നു.
തന്റെ മെഡൽ രാഷ്ട്രത്തിനും കോച്ചിനും സമർപ്പിക്കുന്നതായി സുശീൽ കുമാർ മത്സരശേഷം പറഞ്ഞു.