NewsBusiness

റബ്ബര്‍ കര്‍ഷകര്‍ക്ക് താങ്ങായി കേന്ദ്രസര്‍ക്കാര്‍

ന്യൂഡല്‍ഹി: റബ്ബറിന്റെ വിലയിടിവ് മൂലം പ്രതിസന്ധി നേരിടുന്ന കര്‍ഷകര്‍ക്ക് താങ്ങായി കേന്ദ്രസര്‍ക്കാര്‍. വിലത്തകര്‍ച്ച പിടിച്ചുനിര്‍ത്താനായി വിദേശത്ത് നിന്നുള്ള സ്വാഭാവിക റബ്ബറിന്റെ ഇറക്കുമതി മാര്‍ച്ച് 31 വരെ കേന്ദ്രസര്‍ക്കാര്‍ നിരോധിച്ചു.

നിരോധനം ഇന്നലെ മുതല്‍ പ്രാബല്യത്തിലായി. ഇന്നലെ വൈകിട്ടോടെയാണ് വാണിജ്യമന്ത്രാലയത്തിലെ വിദേശ വ്യാപാര ഡയറക്ടര്‍ ജനറല്‍ ഇതു സംബന്ധിച്ച ഉത്തരവ് പുറത്തിറക്കിയത്. റബ്ബറിന്റെ വിലയിടിവ് മൂലം കേരളത്തിലെ റബ്ബര്‍ കര്‍ഷകര്‍ പ്രതിസന്ധിയിലായ സാഹചര്യത്തിലാണ് സര്‍ക്കാരിന്റെ നീക്കം. റബ്ബര്‍ വിലത്തകര്‍ച്ച പരിഹരിക്കാന്‍ നടപടിയെടുക്കുമെന്ന് പ്രധാനമന്ത്രി നരേന്ദ്രമോദി കേരള സന്ദര്‍ശനത്തിനിടെ ഉറപ്പു നല്‍കിയിരുന്നു.

ചെന്നൈ മുംബൈ തുറമുഖങ്ങള്‍ വഴി സ്വാഭാവിക റബ്ബര്‍ ഇറക്കുമതി ചെയ്യുന്നത് സര്‍ക്കാര്‍ ബുധനാഴ്ച നിരോധിച്ചിരുന്നു. ഇതിന് പിന്നാലെയാണ് പൂര്‍ണമായും ഇറക്കുമതി നിരോധിച്ച് ഉത്തരവിറക്കിയത്. ഇറക്കുമതി ആറുമാസത്തേക്ക് നിരോധിക്കുമെന്ന് കേന്ദ്ര വാണിജ്യ മന്ത്രി നിര്‍മല സീതാ രാമന്‍ നേരത്തേ വ്യക്തമാക്കിയിരുന്നു.

റബ്ബറിന്റെ വില നൂറ് രൂപയിലും താഴെപ്പോയത് കര്‍ഷകരുടെ ജീവിതം ഇരുട്ടിലാക്കിയിരുന്നു. സംസ്ഥാന സര്‍ക്കാരും കര്‍ഷക മോര്‍ച്ച ഉള്‍പ്പെടെയുള്ള സംഘടനകളും ഇക്കാര്യം കേന്ദ്രസര്‍ക്കാരിന്റെ ശ്രദ്ധയില്‍ പെടുത്തുകയും ചെയ്തിരുന്നു. ഇതിന്റെ അടിസ്ഥാനത്തിലാണ് സത്വര നടപടി സ്വീകരിച്ചത്.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close