മുംബൈ: മുഖ്യപലിശ നിരക്കുകളില് മാറ്റം വരുത്താതെ റിസര്വ്വ് ബാങ്ക്. 2016 ലെ ആദ്യ ദൈ്വമാസ പണവായ്പാ അവലോകന യോഗത്തിലാണ് മുഖ്യനിരക്കുകള് ആര്ബിഐ അതേപടി നിലനിര്ത്തിയത്.
ബജറ്റ് അടുത്തിരിക്കെ നിരക്കുകളില് മാറ്റം വരാന് സാദ്ധ്യതയില്ലെന്ന് സാമ്പത്തിക വിദഗ്ധര് നേരത്തെ സൂചനകള് നല്കിയിരുന്നു. കരുതല് ധനാനുപാത നിരക്ക് നാല് ശതമാനവും റിപ്പോ നിരക്ക് 6.7 ശതമാനവുമായിട്ടാണ് നിലനിര്ത്തിയിരിക്കുന്നത്.
ബജറ്റിലെ നിര്ദ്ദേശങ്ങളും സ്ഥിതിവിവരക്കണക്കുകളും വിലയിരുത്തിയ ശേഷമാകും ഇനി നിരക്കുകളില് മാറ്റം വരുത്തുകയെന്നാണ് ആര്ബിഐ വൃത്തങ്ങള് നല്കുന്ന വിവരം. ഡിസംബറിലെ അവലോകന നയത്തിലും നിരക്കുകളില് മാറ്റം വരുത്തിയിരുന്നില്ല.
