ന്യൂഡല്ഹി: പെട്രോള് വില ലിറ്ററിന് 32 പൈസ കുറച്ചു. അതേസമയം ഡീസലിന് 28 പൈസയുടെ വര്ധനയും വരുത്തിയിട്ടുണ്ട്. പുതിയ വില അര്ധരാത്രി മുതല് നിലവില് വരും.
ഈ മാസം ആദ്യം പെട്രോളിന് നാല് പൈസയും ഡീസലിന് മൂന്ന് പൈസയും കുറച്ചിരുന്നു. അന്താരാഷ്ട്ര വിപണിയില് ക്രൂഡ് ഓയില് വില കുറഞ്ഞ സാഹചര്യത്തില് തുടര്ച്ചയായ ആറാം തവണയാണ് പെട്രോളിന്റെ വില കുറയ്ക്കുന്നത്.
അടുത്തിടെ പെട്രോളിന്റെയും ഡീസലിന്റെയും എക്സൈസ് തീരുവ സര്ക്കാര് ഉയര്ത്തിയിരുന്നു. പെട്രോള് ലിറ്ററിന് ഒരു രൂപയും ഡീസലിന് 1.50 പൈസയുമാണ് എക്സൈസ് തീരുവ വര്ധിപ്പിച്ചിരുന്നത്. നടപ്പുസാമ്പത്തിക വര്ഷം സര്ക്കാരിന് 3200 കോടി രൂപയുടെ അധിക വരുമാനമാണ് ഇതിലൂടെ ലഭിക്കുക.
