ന്യൂഡല്ഹി: 2016-17 സാമ്പത്തിക വര്ഷത്തെ പൊതുബജറ്റ് കേന്ദ്രധനമന്ത്രി അരുണ് ജെയ്റ്റ്ലി പാര്ലമെന്റില് അവതരിപ്പിച്ചു തുടങ്ങി. ആഗോള സാമ്പത്തിക രംഗം പ്രശ്നങ്ങള് നേരിടുമ്പോള് ഇന്ത്യന് സാമ്പത്തിക രംഗം പതറാതെ നില്ക്കുന്ന കാഴ്ചയാണ് കാണുന്നതെന്ന് ജെയ്റ്റ്ലി ബജറ്റിന്റെ ആമുഖ പ്രസംഗത്തില് പറഞ്ഞു. വെല്ലുവിളികളെ അവസരങ്ങളാക്കി മാറ്റുകയാണ് സര്ക്കാര് ചെയ്തതെന്ന് അദ്ദേഹം കൂട്ടിച്ചേര്ത്തു.
2014 നെ അപേക്ഷിച്ച് ആഗോള സാമ്പത്തിക മേഖലയുടെ വളര്ച്ച പിന്നാക്കം പോകുകയായിരുന്നു. 2014 ല് 3.5 ശതമാനമായിരുന്ന വളര്ച്ച 2015 ായതോടെ 3.1 ശതമാനമായി താഴ്ന്നതായി ജെയ്റ്റ്ലി ചൂണ്ടിക്കാട്ടി. ആഗോള സാമ്പത്തിക രംഗത്തെ ഈ പ്രതിഭാസത്തിന്റെ പശ്ചാത്തലത്തില് ഇന്ത്യന് വിപണിയെ കൂടുതല് ആശ്രയിക്കേണ്ടതുണ്ടെന്ന് അദ്ദേഹം പറഞ്ഞു. എന്നാല് ഏറെ പ്രതിബന്ധങ്ങള് നിലനില്ക്കുന്ന രാഷ്ട്രീയ ചുറ്റുപാടിലാണ് സര്ക്കാര് പ്രവര്ത്തിക്കുന്നതെന്നും അദ്ദേഹം കൂട്ടിച്ചേര്ത്തു.
രാജ്യത്തെ ജിഡിപി വളര്ച്ചാനിരക്ക് 7.6 ശതമാനത്തിലേക്ക് മുന്നേറി. വിദേശനാണ്യകരുതല് ശേഖരം ഏറ്റവും ഉയര്ന്ന നിലയിലാണ് ഉള്ളതെന്നും അദ്ദേഹം പറഞ്ഞു. ബജറ്റ് പ്രസംഗം പുരോഗമിക്കുകയാണ്.
തുടക്കത്തില് പ്രതിപക്ഷ പ്രതിഷേധം ഉയര്ന്നെങ്കിലും ബജറ്റ് അവതരിപ്പിച്ചു തുടങ്ങിയതോടെ സഭ നിശബ്ദമായി. രാവിലെ ചേര്ന്ന കേന്ദ്ര മന്ത്രിസഭായോഗം ബജറ്റിന് അംഗീകാരം നല്കി. രാഷ്ട്രപതി പ്രണാബ് മുഖര്ജിയെ സന്ദര്ശിച്ച ശേഷമാണ് ജെയ്റ്റ്ലി പാര്ലമെന്റില് ബജറ്റ് അവതരിപ്പിക്കാനെത്തിയത്. ജെയ്റ്റ്ലിയുടെ മൂന്നാമത്തെ പൊതുബജറ്റാണിത്.