Business

മഹീന്ദ്രയുടെ കെയുവി 100 പുറത്തിറക്കി; വില 4,42,000 മുതല്‍

ന്യൂഡല്‍ഹി: വാഹനപ്രേമികള്‍ ഏറെക്കാലമായി കാത്തിരിക്കുന്ന മഹീന്ദ്രയുടെ മിനി കോംപാക്ട് എസ്‌യുവി കെയുവി 100 പുറത്തിറക്കി. പെട്രോള്‍ ഡീസല്‍ എന്‍ജിന്‍ വാഹനങ്ങള്‍ ലഭ്യമാണ്. പെട്രോള്‍ എന്‍ജിന്‍ വാഹനത്തിന് 4,42,000 രൂപയും ഡീസല്‍ വാഹനത്തിന് 5,22,000 രൂപയുമാണ് ഏറ്റവും കുറഞ്ഞ വില.

ഫാല്‍ക്കന്‍ ശ്രേണിയിലെ പുത്തന്‍ അലൂമിനിയം ബ്ലോക്ക് എന്‍ജിനുകളാണ് വാഹനത്തിന് കരുത്ത് പകരുക. സ്‌പൈഡര്‍ ഡിസൈനും അലോയ് വീലും യുവാക്കളുടെ മനം കവരും. കുറഞ്ഞ നാളുകള്‍ കൊണ്ട് വിപണി പിടിച്ചടക്കിയ മഹീന്ദ്ര എസ്‌യുവിയുടെ ചെറുപതിപ്പാണ് കെയുവി. കെ-ടു, കെ-ഫോര്‍, കെ-സിക്‌സ്, കെ-എയ്റ്റ് വകഭേദങ്ങളില്‍ വാഹനം ലഭ്യമാണ്.

ഏറ്റവും ഉയര്‍ന്ന മോഡലായ കെ-എയ്റ്റ് പെട്രോള്‍ വാഹനത്തിന് 5,91,000 രൂപയും ഡീസല്‍ മോഡലിന് 6,76,000 രൂപയുമാണ് വില. പെട്രോള്‍ വാഹനങ്ങള്‍ക്ക് 18.23 കിലോമീറ്ററും ഡീസല്‍ വാഹനങ്ങള്‍ക്ക് 25.3 കിലോമീറ്ററുമാണ് കമ്പനി അവകാശപ്പെടുന്ന മൈലേജ്.

മഹീന്ദ്രയുടെ ചരിത്രത്തിലെ ഒരു പുതിയ അദ്ധ്യായമായിരിക്കും കെയുവി 100 എന്ന് കമ്പനി ഓട്ടോമോട്ടീവ് ഡിവിഷന്‍ എക്‌സിക്യൂട്ടീവ് ഡയറക്ടര്‍ പവന്‍ ഗോയങ്ക പറഞ്ഞു. ഇന്ത്യയില്‍ പുറത്തിറക്കിയ കെയുവി 100 വൈകാതെ ശ്രീലങ്ക നേപ്പാള്‍ വിപണികളിലും അടുത്ത സാമ്പത്തിക വര്‍ഷം മറ്റ് രാജ്യങ്ങളിലും വിപണിയില്‍ എത്തിക്കുമെന്ന് മഹീന്ദ്ര അറിയിച്ചു. 1200 കോടി രൂപ മുടക്കിയാണ് കെയുവി 100 വികസിപ്പിച്ചത്.

 


 

6 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close