NewsVehicle

വരുന്നു 7 സീറ്റുള്ള വാഗൺ ആർ

എർട്ടിഗ വിജയിച്ചതോടെ കൂടുതൽ എം പി വികൾ നിരത്തിലിറക്കാനുള്ള തീരുമാനവുമായി മാരുതി സുസുകി മുന്നോട്ടു പോകുന്നു . ജനപ്രിയ മോഡലായ വാഗൺ ആറിന്റെ എം പി വി ( മൾട്ടി പർപ്പസ് വെഹിക്കിൾ ) പതിപ്പ് ഈ വർഷം അവസാനമോ അടുത്ത വർഷം ആദ്യമോ കമ്പനി ലോഞ്ച് ചെയ്യുമെന്നാണ് സൂചന.

വിദേശങ്ങളിലുള്ള വാഗൺ ആർ എം പി വി ഇന്ത്യൻ സാഹചര്യത്തിനനുസരിച്ച് മാറ്റിയെടുക്കാനാണ് കമ്പനി ഒരുങ്ങുന്നത് . അതിനു വേണ്ടി രണ്ട് വാഗൺ ആർ എം പി വികൾ ഇന്ത്യയിലെത്തിച്ചു കഴിഞ്ഞു. 1197 സിസി കെ സീരീസ് പെട്രോൾ എഞ്ചിനൊപ്പം ഡീസൽ പതിപ്പിന് നിശ്ചയിച്ചിരിക്കുന്നത് 1248 സിസി ഡിഡിഐഎസ് എഞ്ചിനാണ് .

Maruti-Suzuki-WagonR-MPV-rear

എർട്ടിഗയ്ക്ക് തൊട്ട് താഴെ നിൽക്കുന്ന രീതിയിലാണ് വാഗൺ ആർ എം പി വിയെ കമ്പനി അണിയിച്ചൊരുക്കുന്നത് . ഗുജറാത്തിലെ സാനന്ദിലായിരിക്കും നിർമ്മാണം. വാഗൺ ആറിനെക്കാൾ ഒരു ലക്ഷത്തിനപ്പുറം വില പോകില്ലെന്നാണ് കരുതപ്പെടുന്നത്.

നീളം നാല് മീറ്ററിൽ താഴെ നിർത്തുന്നത് കൊണ്ട് നികുതിയിനത്തിൽ വലിയ വ്യത്യാസമുണ്ടാകും . രണ്ട് നിറങ്ങൾ സമന്വയിപ്പിച്ച ഉൾഭാഗം വാഗൺ ആറിനെക്കാൾ മനോഹരമാകും. 5 സ്പീഡ് ഗിയർ ആട്ടോമാറ്റിക്കുമുണ്ടാകാനാണ് സാദ്ധ്യത.

നീളം നാല് മീറ്ററിനുള്ളിൽ നിർത്തിയിരിക്കുന്നതിനാൽ മൂന്നാം വരിയിലെ യാത്ര അത്ര സൗകര്യപ്രദമായിരിക്കില്ല എന്നതാണ് പ്രധാന ന്യൂനത . എർട്ടിഗയേക്കാൾ അര മീറ്ററെങ്കിലും നീളം കുറവായിരിക്കും വാഗൺ ആർ എം പി വിക്ക് .

Maruti-Suzuki-WagonR-MPV-seat-arangement

സ്വാഭാവികമായും കൂടുതൽ ലഗ്ഗേജ് സ്പെയ്സ് ലഭിക്കുമെന്നല്ലാതെ യഥാർത്ഥ 7 സീറ്ററിന്റെ ഗുണം ലഭിക്കില്ല . എങ്കിലും മാരുതിയുടെ വിശ്വാസ്യതയും വിലക്കുറവും വാഗൺ ആർ എം പി വിയെ ജനപ്രിയമാക്കുമെന്ന് തന്നെയാണ് കമ്പനി പ്രതീക്ഷിക്കുന്നത് .

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close