NewsBusiness

മത്സരം കടുക്കുന്നു; 1ജിബിയ്ക്ക് 1രൂപയുമായി ബിഎസ്എന്‍എല്‍; 135 എംബിപിഎസ് സ്പീഡുമായി എയര്‍ടെല്‍

മുംബൈ: രാജ്യത്തെ ടെലികോം മേഖലയില്‍ മത്സരം ശക്തമാകുന്നു. റിലയന്‍സ് ജിയോ വമ്പന്‍ ഓഫറുകളുമായി രംഗത്തെത്തിയതിന് പിന്നാലെയാണ് മറ്റ് ടെലിഫോണ്‍ സേവന ദാതാക്കള്‍ നിരക്കുകള്‍ കുത്തനെ കുറയ്ക്കുന്നത്.

ഇപ്പോള്‍ ഇന്റര്‍നെറ്റ് നിരക്കുകള്‍ കുറച്ച് രംഗത്തെത്തിയിരിക്കുന്നത് ബിഎസ്എന്‍എലും എയര്‍ടെലുമാണ്. ബ്രോഡ്ബാന്‍ഡ് ഉപഭോക്താക്കള്‍ക്കായാണ് ബിഎസ്എന്‍എല്‍ ഓഫര്‍ പ്രഖ്യാപിച്ചിരിക്കുന്നത്.

പ്രതിമാസം 300ജിബി ഡാറ്റ ഉപയോഗത്തിന് 249 രൂപയാണ് ഈടാക്കുക. സെപ്റ്റംബര്‍ ഒന്‍പതിന് പുതിയ പ്ലാന്‍ അവതരിപ്പിക്കുമെന്നും 2MBPS വേഗത്തില്‍ പരിധിയില്ലാതെ ഉപയോഗിയ്ക്കാനാകുമെന്നും ബിഎസ്എന്‍എല്‍ ചെയര്‍മാന്‍ അനുപം ശ്രീവാസ്തവ പറഞ്ഞു.

അതേസമയം ജിയോയെ നേരിടാന്‍ എയര്‍ടെല്‍ രാജ്യത്ത് എല്ലായിടത്തും ഏറ്റവും വേഗമേറിയ 4G സേവനമാണ് വാഗ്ദാനം ചെയ്തിരിക്കുന്നത്. ഇതോടൊപ്പം എയര്‍ടെല്‍ ഡേറ്റാ നിരക്കുകളില്‍ 80 ശതമാനം വരെ കുറവുവരുത്തി പുതിയ ഓഫറുകള്‍ പ്രഖ്യാപിച്ചു. 51 രൂപയ്ക്ക് 1GB 3ജി, 4ജി ഡേറ്റ എയര്‍ടെല്‍ നല്‍കും. ഈ ഓഫര്‍ ലഭിക്കണമെങ്കില്‍ ആദ്യം 1498 രൂപയ്ക്ക് റീച്ചാര്‍ജ് ചെയ്യണം. പിന്നീട് 51 രൂപയ്ക്ക് 1ജിബി ഡേറ്റ 28 ദിവസത്തേയ്ക്ക് ലഭിയ്ക്കും. നിലവില്‍ 259 രൂപയാണ് 1GB 3ജി, 4ജി ഡേറ്റയ്ക്ക് എയര്‍ടെല്‍ ഈടാക്കുന്നത്.

എന്തായാലും മത്സരം കടുത്തതോടെ വമ്പന്‍ ഓഫറുമായി ഐഡിയയും, വോഡഫോണും അടക്കമുള്ള സേവനദാതാക്കള്‍ ഉടന്‍ എത്തുമെന്ന പ്രതീക്ഷയിലാണ് ഉപഭോക്താക്കള്‍.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close