NewsKeralaBusiness

സിയാല്‍: പുതിയ ടെര്‍മിനല്‍ നിര്‍മാണം രണ്ട് മാസത്തിനകം പൂര്‍ത്തിയാക്കുമെന്ന് മുഖ്യമന്ത്രി

കൊച്ചി: കൊച്ചി അന്താരാഷ്ട്ര വിമാനത്തവളത്തിലെ പുതിയ ടെര്‍മിനലിന്റെ നിര്‍മ്മാണം രണ്ടു മാസത്തിനകം പൂര്‍ത്തിയാക്കുമെന്ന് മുഖ്യമന്ത്രി പിണറായി വിജയന്‍. കമ്പനിയുടെ വാര്‍ഷിക പൊതുയോഗത്തിലാണ് ചെയര്‍മാന്‍ കൂടിയായ മുഖ്യമന്ത്രി ഇക്കാര്യം വ്യക്തമാക്കിയത്. പുതിയ ടെര്‍മിനല്‍ പൂര്‍ത്തിയാകുന്നതോടെ കൊച്ചി വിമാനത്താവളം ലോകോത്തര നിലവാരത്തിലേക്ക് ഉയരുമെന്നും മുഖ്യമന്ത്രി പറഞ്ഞു.

കഴിഞ്ഞ വര്‍ഷത്തെ അപേക്ഷിച്ച് വരുമാനത്തില്‍ 26.71 ശതമാനം വര്‍ധനയാണ് രേഖപ്പെടുത്തിയിരിക്കുന്നതെന്ന് പിണറായി വിജയന്‍ ചൂണ്ടിക്കാട്ടി. കഴിഞ്ഞ വര്‍ഷം മാത്രം 7.77ദശലക്ഷം യാത്രക്കാര്‍ കൊച്ചി വിമാനത്താവാളത്തിലൂടെ കടന്നു പോയി. മറ്റു വിമാനത്താവളത്തെ അപേക്ഷിച്ച് കുറഞ്ഞ ചെലവിലാണ് കൊച്ചി വിമാനത്താവളത്തിന്റെ പ്രവര്‍ത്തനം.

13.4 മെഗാവാട്ട് ശേഷിയുള്ള സൗരോര്‍ജ്ജ പ്ലാന്റ് ഫെബ്രുവരിയോടെ പൂര്‍ത്തിയാക്കും. ഇതോടെ ഈ സാമ്പത്തിക വര്‍ഷത്തില്‍ തന്നെ ഊര്‍ജ്ജോല്‍പാദനം 28.8 മെഗാവാട്ടാക്കി ഉയര്‍ത്തുമെന്നും മുഖ്യമന്ത്രി പറഞ്ഞു. പൊതുയോഗത്തില്‍ സിയാലിന്റെ വാര്‍ഷിക റിപ്പോര്‍ട്ട് അവതരിപ്പിച്ചു. തുടര്‍ന്ന് ഡയറക്ടര്‍ ബോര്‍ഡ് യോഗവും ചേര്‍ന്നു.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close