NewsBusiness

ജിയോ വെല്‍ക്കം ഓഫര്‍ മാര്‍ച്ച് വരെ നീട്ടിയേക്കും

മുംബൈ: രാജ്യത്തെ മറ്റ് മൊബൈല്‍ സേവനദാതാക്കള്‍ക്ക് കനത്ത വെല്ലുവിളിയുയര്‍ത്തി വമ്പന്‍ ഓഫറുകളുമായി കടന്നു വന്ന ജിയോയുടെ വെല്‍ക്കം ഓഫര്‍ 2017 മാര്‍ച്ച് വരെ നീട്ടുമെന്ന് സൂചന. ഡിസംബറില്‍ ഓഫര്‍ അവസാനിക്കാനിരിക്കെയാണ് കാലാവധി നീട്ടുമെന്ന സൂചനകള്‍ പുറത്തുവരുന്നത്.

ഇതോടെ ഉപഭോക്താക്കള്‍ക്ക് ലഭിച്ചുവരുന്ന ഫ്രീ വോയ്‌സ് കോളും, അണ്‍ലിമിറ്റഡ് 4ജി ഡേറ്റയും മറ്റ് സേവനങ്ങളും അടുത്ത മാര്‍ച്ച് വരെ ലഭ്യമായേക്കും.

വമ്പന്‍ ഓഫറുകളും ഗുണനിലവാരമുള്ള സേവനങ്ങളുമായി രംഗത്തെത്തിയ ജിയോ ഇതിനോടകം മികച്ച ജനപ്രീതി നേടിയെടുത്തിട്ടുണ്ട്. ഒരു മാസം കൊണ്ട് 1.6 കോടി വരിക്കാരെ നേടാനും ജിയോയ്ക്കായി.

നേരത്തെ എയര്‍ടെല്ലും ബിഎസ്എന്‍എല്ലും വോഡഫോണും അടക്കമുള്ള സേവനദാതാക്കള്‍ ജിയോയുമായി മത്സരിക്കാന്‍ പുതിയ ഓഫറുകളുമായി രംഗത്തെത്തിയിരുന്നു. സെപ്റ്റംബര്‍ ഒന്നിനാണ് രാജ്യത്തെ മറ്റ് മൊബൈല്‍ സേവനദാതാക്കള്‍ക്ക് കനത്ത വെല്ലുവിളിയുയര്‍ത്തി റിലയന്‍സ് ജിയോയുടെ താരിഫ് പ്ലാനുകള്‍ അവതരിപ്പിച്ചത്.

എന്നാല്‍ കഴിഞ്ഞ ദിവസം പുറത്തുവന്ന ട്രായ് യുടെ കണക്കുകള്‍ ജിയോയ്ക്ക് വന്‍ തിരിച്ചടിയാണ് നല്‍കുന്നത്. രാജ്യത്ത് ഏറ്റവും കുറവ് വേഗത നല്‍കുന്നത് ജിയോയാണെന്ന് ട്രായ് കണക്കുകള്‍ വ്യക്തമാക്കുന്നു.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close