NewsVehicle

റെനോ കാപ്ചര്‍ ഇന്ത്യയിലേക്കെത്തുന്നു

ഫ്രഞ്ച് വാഹന നിര്‍മാതാക്കളായ റെനോയുടെ കാപ്ചര്‍ ഇന്ത്യന്‍ വിപണിയിലേക്കെത്തുന്നു. 5 സീറ്റര്‍ എസ്യുവിയായിട്ടായിരിക്കും കാപ്ചര്‍ ഇന്ത്യന്‍ വിപണിയിലെത്തുക. 2017 ജനുവരിയോടെ വാഹനം വിപണിയിലെത്തിക്കാനുളള ശ്രമത്തിലാണ് കമ്പനി. കാപ്ചര്‍ എന്ന പേരിലായിരിക്കില്ല വാഹനം എത്തുക.

പുറമെയുള്ള ഫീച്ചറുകള്‍ യൂറോപ്യന്‍ വിപണിയില്‍ നിലവിലുള്ള കാപ്ചറിന് സമാനമാണെങ്കിലും ഡസ്റ്ററിന്റെ ബിഒ പ്ലാറ്റ് ഫോമിനെ അടിസ്ഥാനപ്പെടുത്തിയ മോഡലാകും ഇന്ത്യന്‍ വിപണിയിലെത്തുക. മുന്‍ഭാഗത്തെ വലിയ ലോഗോ, ത്രിഡി ഇഫക്‌റ്റോടുകൂടിയ എല്‍ ഇ ഡി ടെയില്‍ലാമ്പ്, സ്‌റ്റൈലിഷ് ഇന്റീരിയര്‍ എന്നിവ കാപ്ചറിന്റെ പ്രത്യേകതകളാണ്. ഡസ്റ്ററിലുളള അതേ 1.5 ഡിസിഐ ഡീസല്‍ എഞ്ചിന്‍ തന്നെയാകും കാപ്ചറിനും കരുത്തേകുക.

ഡസ്റ്ററിലേതുപോലെ തന്നെ അഞ്ച്, ആറ് സ്പീഡ് മാനുവല്‍ എല്ലെങ്കില്‍ ഓട്ടോമാറ്റിക് ട്രാന്‍സ്മിഷനായിരിക്കും വാഹനത്തിലുണ്ടാകുക എന്നാണ് പ്രാഥമിക വിവരം. എന്നാല്‍ ഇതിന് പകരമായി റിനോയുടെ എഫിഷ്യന്റ് ഡ്യുവല്‍ ക്ലച്ച് ഗിയര്‍ബോക്‌സ് ഉള്‍പ്പെടുത്തുാനും സാധ്യതയുണ്ട്.

4333 എംഎം നീളവും, 1813 എംഎം വീതിയും 1613 എംഎം പൊക്കവും 2674 എംഎം വീല്‍ബെയ്‌സുമുണ്ട് പുതിയ വാഹനത്തിന്. ഇന്ത്യന്‍ വിപണിയില്‍ ഡസ്റ്ററിനേക്കാള്‍ വില കൂടുതലായിരിക്കും കാപ്ചറിന് . 16 ലക്ഷം രൂപയാകും വാഹനത്തിന്റെ എക്‌സ് ഷോറൂം വില എന്നാണ് സൂചന. കാപ്ചര്‍ ഇന്ത്യയിലെത്തിക്കഴിഞ്ഞാല്‍ ഡസ്റ്ററിന്റെ വിലകുറയ്ക്കുമെന്നും അഭ്യൂഹങ്ങളുണ്ട്.

182 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close