ന്യൂഡൽഹി : അതിർത്തിയിൽ വർദ്ധിച്ചു വരുന്ന സംഘർഷ സാദ്ധ്യത കണക്കിലെടുത്ത് റഷ്യയിൽ നിന്ന് അത്യാധുനിക ടി – 90 ടാങ്കുകൾ വാങ്ങാൻ സൈന്യം ആലോചിക്കുന്നു. പാക് അതിർത്തിയിൽ വിന്യസിക്കാൻ ഉദ്ദേശിച്ച് ആദ്യ ഘട്ടത്തിൽ 464 എണ്ണം വാങ്ങാനാണ് തീരുമാനം. 13,448 കോടിയാണ് ചെലവ് പ്രതീക്ഷിക്കുന്നത്.
രാത്രിയിൽ കാണാൻ കഴിയുന്ന സംവിധാനമുള്ളതാണ് ടി – 90 . തെർമൽ ഇമേജിംഗ് സംവിധാനമാണ് ഇതിനു സഹായിക്കുന്നത് . അതുകൊണ്ട് രാത്രി യുദ്ധത്തിൽ ശത്രുപ്പടകൾക്ക് നെരേ തീതുപ്പാൻ ടി -90 ക്ക് കഴിയും. പടിഞ്ഞാറൻ അതിർത്തിയിലാണ് ടി -90 വിന്യസിക്കാൻ ആലോചിക്കുന്നത്.
നിലവിൽ 18 ടി -90 റെജിമെന്റുകൾ ഭാരതത്തിനുണ്ട്. നാലായിരത്തോളം മറ്റ് യുദ്ധ ടാങ്കുകൾ ഉണ്ടെങ്കിലും രാത്രി യുദ്ധതിന് ഇതൊന്നും ഉപയോഗപ്രദമല്ല.. 2020 ഓടെ 1,657 ടി – 90 ടാങ്കുകൾ സേനയിൽ ഉൾപ്പെടുത്താനാണ് ഉദ്ദേശിക്കുന്നത്.