NewsIndiaBusiness

നോട്ടുകള്‍ പിന്‍വലിച്ച നടപടി; കേന്ദ്രസര്‍ക്കാരിനെ പിന്തുണച്ച് ഐഎംഎഫ്

വാഷിംഗ്ടണ്‍: കളളപ്പണവും വ്യാജകറന്‍സിയും തടയാന്‍ ലക്ഷ്യമിട്ട് കേന്ദ്രസര്‍ക്കാര്‍ കൈക്കൊണ്ട നടപടിക്ക് ഉറച്ച പിന്തുണയുമായി ഐഎംഎഫ്. അനധികൃത പണമൊഴുക്ക് തടയാനും അഴിമതിക്കെതിരേയും ഇന്ത്യ കൈക്കൊണ്ട നടപടികളെ പൂര്‍ണമായി പിന്തുണയ്ക്കുന്നതായി ഐഎംഎഫ് വക്താവ് ജെറി റൈസ് പറഞ്ഞു.

ഇന്ത്യയുടെ സാമ്പത്തിക സ്ഥിതിയില്‍ നേരിട്ടുളള പണമിടപാടുകള്‍ ഏറെ നിര്‍ണായകമാണ്. അതുകൊണ്ടു തന്നെ നിലവിലെ നടപടികള്‍ ജനങ്ങള്‍ക്ക് ഉണ്ടാക്കുന്ന ബുദ്ധിമുട്ടുകള്‍ കുറയ്ക്കാന്‍ വിവേകപൂര്‍വ്വമായ ഇടപെടലുകള്‍ ഉണ്ടാകണമെന്നും ജെറി റൈസ് നിര്‍ദ്ദേശിച്ചു.
ഐഎംഎഫിന്റെ പിന്തുണ കേന്ദ്രസര്‍ക്കാര്‍ കൈക്കൊണ്ട സാമ്പത്തിക പരിഷ്‌കരണ നടപടികള്‍ക്ക് അന്താരാഷ്ട്ര തലത്തില്‍ സ്വീകാര്യത വര്‍ധിപ്പിക്കുമെന്നാണ് വിലയിരുത്തപ്പെടുന്നത്. ആഗോള ക്രെഡിറ്റ് റേറ്റിംഗ് ഏജന്‍സികളെയും ഐഎംഎഫിന്റെ വിലയിരുത്തല്‍ സ്വാധീനിക്കും.

നേരത്തെ സാമ്പത്തിക വിദഗ്ദരും ആഗോള സാമ്പത്തിക വിശകല സ്ഥാപനങ്ങളും അടക്കം സര്‍ക്കാര്‍ നടപടിയെ പിന്തുണച്ച് രംഗത്തെത്തിയിരുന്നു. ഇന്ത്യന്‍ സര്‍ക്കാരിന്റെ നടപടി കളളപ്പണം തടയാനുളള ധീരമായ ചുവടുവെയ്പാണെന്ന് യുഎസ് ആസ്ഥനമായുളള സാമ്പത്തിക സ്ഥാപനമായ മോര്‍ഗന്‍ സ്റ്റാന്‍ലി വിലയിരുത്തി. നിലവില്‍ ഇന്ത്യയിലെ ജനങ്ങളില്‍ നികുതി നല്‍കുന്നവര്‍ വളരെ കുറവാണ്. സര്‍ക്കാരിന്റെ നടപടി കൂടുതല്‍ ജനങ്ങളെ നിയമപരമായ നികുതിയുടെ ചട്ടക്കൂടിലേക്ക് കൊണ്ടുവരാന്‍ കഴിയുമെന്നും മോര്‍ഗന്‍ സ്റ്റാന്‍ലി അധികൃതര്‍ ചൂണ്ടിക്കാട്ടി.

രാജ്യത്തെ സമാന്തര സാമ്പത്തിക സംവിധാനത്തെ ഇല്ലാതാക്കാന്‍ സഹായിക്കുന്നതാണ് സര്‍ക്കാര്‍ തീരുമാനമെന്ന് ഫെഡറേഷന്‍ ഓഫ് ഇന്ത്യന്‍ ചേംബേഴ്‌സ് ഓഫ് കൊമേഴ്‌സ് ആന്‍ഡ് ഇന്‍ഡസ്ട്രി മേധാവി ഹര്‍ഷവര്‍ധന്‍ നിയോഷിയ വ്യക്തമാക്കി.

4K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close