NewsBusiness

ജിയോ സൗജന്യ സേവനങ്ങള്‍ മാര്‍ച്ച് 31 വരെ നീട്ടി

മുംബൈ: രാജ്യത്തെ മറ്റ് മൊബൈല്‍ സേവനദാതാക്കള്‍ക്ക് കനത്ത വെല്ലുവിളിയുയര്‍ത്തി വമ്പന്‍ ഓഫറുകളുമായി കടന്നു വന്ന ജിയോയുടെ വെല്‍ക്കം ഓഫര്‍ 2017 മാര്‍ച്ച് വരെ നീട്ടി. ജിയോ ഹാപ്പി ന്യൂഇയര്‍ ഓഫര്‍ എന്ന പേരിലാണ് കാലാവധി നീട്ടിയിരിക്കുന്നത്. റിലയന്‍സ് ചെയര്‍മാന്‍ മുകേഷ് അംബാനിയാണ് ഇക്കാര്യം അറിയിച്ചത്. ഡിസംബറില്‍ ഓഫര്‍ അവസാനിക്കാനിരിക്കെയാണ് കാലാവധി നീട്ടിയിരിക്കുന്നത്.

ഇതോടെ ഉപഭോക്താക്കള്‍ക്ക് ലഭിച്ചുവരുന്ന ഫ്രീ വോയ്‌സ് കോളും, അണ്‍ലിമിറ്റഡ് 4ജി ഡേറ്റയും മറ്റ് സേവനങ്ങളും അടുത്ത മാര്‍ച്ച് വരെ ലഭ്യമാകും.

മൊബൈല്‍ നമ്പര്‍ പോര്‍ട്ടബിലിറ്റി സേവനവും ഇനി ജിയോയില്‍ ലഭ്യമാകും. ഉപയോഗിച്ചുകൊണ്ടിരിക്കുന്ന നമ്പര്‍ മാറാതെ തന്നെ ജിയോയിലേക്ക് ഇനി മാറാനാകുമെന്നും അംബാനി അറിയിച്ചു. തങ്ങളുടെ എതിരാളികളായ മൂന്ന് ടെലികോം കമ്പനികള്‍ ജിയോയെ തകര്‍ക്കാന്‍ ശ്രമിക്കുന്നുണെന്നും അംബാനി പറഞ്ഞു.

വമ്പന്‍ ഓഫറുകളും ഗുണനിലവാരമുള്ള സേവനങ്ങളുമായി രംഗത്തെത്തിയ ജിയോ ഇതിനോടകം മികച്ച ജനപ്രീതി നേടിയെടുത്തിട്ടുണ്ട്.

നേരത്തെ എയര്‍ടെല്ലും ബിഎസ്എന്‍എല്ലും വോഡഫോണും അടക്കമുള്ള സേവനദാതാക്കള്‍ ജിയോയുമായി മത്സരിക്കാന്‍ പുതിയ ഓഫറുകളുമായി രംഗത്തെത്തിയിരുന്നു.

സെപ്റ്റംബര്‍ ആദ്യ വാരമാണ് രാജ്യത്തെ മറ്റ് മൊബൈല്‍ സേവനദാതാക്കള്‍ക്ക് കനത്ത വെല്ലുവിളിയുയര്‍ത്തി റിലയന്‍സ് ജിയോ ലോഞ്ച് ചെയ്തത്.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close