മുംബൈ : ഐഎസ്എല്ലിൽ സീസണിലെ ആദ്യ ഫൈനലിസ്റ്റിനെ ഉടനറിയാം . രണ്ടാം പാദ സെമിയിൽ മുംബൈ സിറ്റി എഫ്. സി – അത്‍‍ലറ്റികോ ഡി കൊൽക്കത്തയെ നേരിടും. ആദ്യ പാദ സെമിയിൽ കൊൽക്കത്തയോട് രണ്ടിനെതിരെ മൂന്ന് ഗോളിന് തോറ്റ മുംബൈയ്‌ക്ക് ഫൈനൽ ബർത്ത് ഉറപ്പിക്കാൻ മികച്ച ജയം കൂടിയേ തീരു.
അതേസമയം, കഴിഞ്ഞ മത്സരത്തിൽ മാർക്വി താരം ഡിഗോ ഫോർലാൻ ചുവപ്പ് കാർഡ് കണ്ട് പുറത്തായത് മുംബൈയ്‌ക്ക് തിരിച്ചടിയായിട്ടുണ്ട്. മത്സരത്തിൽ സമനില നേടിയാലും കൊൽക്കത്തയ്‌ക്ക് കലാശപോരാട്ടത്തിന് യോഗ്യത നേടാം. മുംബൈ ഫുട്ബോൾ അരീനയിൽ രാത്രി ഏഴിനാണ് മത്സരം.
നാളെയാണ് ബ്ളാസ്റ്റേഴ്സ്സും ഡൽഹി ഡനാമോസും തമ്മിലുള്ള രണ്ടാം പാദ സെമി . കഴിഞ്ഞ ഞായറാഴ്ച നടന്ന ആദ്യ പാദ സെമിയിൽ ബ്ളാസ്റ്റേഴ്സ് ഒരു ഗോളിന് ഡൈനമോസിനെ തോൽപ്പിച്ചിരുന്നു.
