NewsVehicle

ബുള്ളറ്റില്‍ ഇനി 750ന്റെ ഇടിമുഴക്കം

ഹാര്‍ലിക്കും ട്രയംഫിനും വെല്ലുവിളിയുയര്‍ത്തി റോയല്‍ എന്‍ഫീല്‍ഡിന്റെ പുതിയ 750സിസി മോഡല്‍ അടുത്ത മാര്‍ച്ചില്‍ നിരത്തിലിറങ്ങും. എന്‍ഫീല്‍ഡ് ആദ്യമായി വികസിപ്പിച്ച ട്വിന്‍ സിലിണ്ടര്‍ എന്‍ജിനാണ് പുതിയ മോഡലില്‍ ഉപയോഗിച്ചിരിക്കുന്നത്. കമ്പനി യുകെയില്‍ പുതുതായി സ്ഥാപിച്ച ടെക്‌നിക്കല്‍ സെന്ററിലാണ് ബൈക്ക് നിര്‍മിക്കുന്നത്.

റോയല്‍ എന്‍ഫീല്‍ഡ് നിര്‍മിച്ചതില്‍ വച്ച് ഏറ്റവുമധികം ശേഷിയും കരുത്തുമുള്ള എന്‍ജിനായിരിക്കും പുതിയത്. ഏകദേശം 45 മുതല്‍ 50 ബിഎച്ച്പി വരെ കരുത്തും 60 മുതല്‍ 70 എന്‍എം വരെ ടോര്‍ക്കുമുള്ള എന്‍ജിനാണ് ഉപയോഗിക്കുക. 160 കിലോ മീറ്ററായിരിക്കും ഇതിന്റെ പരമാവധി വേഗത.

അഞ്ചു സ്പീഡ് ഗിയര്‍ബോക്‌സ് ഉപയോഗിക്കുന്ന ബൈക്കില്‍ ഓപ്ഷണലായി എബിഎസ് ഉണ്ടായേക്കും എന്നാണു സൂചന.

ഹാര്‍ലി ഡേവിഡ്‌സണ്‍ സ്ട്രീറ്റ് 750, ട്രയംഫ് ബോണ്‍വില്ല എന്നീ ബൈക്കുകളോടാവും 750 സിസി എന്‍ഫീല്‍ഡിന് മത്സരിക്കേണ്ടി വരിക. മൂന്ന് മുതല്‍ നാലു ലക്ഷം വരെയാണ് പുതിയ ബുള്ളറ്റിന്റെ പ്രതീക്ഷിക്കുന്ന വില.

നേരത്തെ ബൈക്കിന്റെ പരീക്ഷണയോട്ട ചിത്രങ്ങള്‍ പുറത്തു വന്നിരുന്നു.

364 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close