ഇന്ത്യന് നിരത്തുകള് കീഴടക്കിയ മാരുതി സുസുക്കി സ്വിഫ്റ്റിന്റെ പുതിയ മോഡല് ജപ്പാനില് പുറത്തിറക്കി. 2017 പകുതിയോടെ വാഹനം ഇന്ത്യയിലെത്തും. നിലവിലെ സ്വിഫ്റ്റിന്റെ മുഖമുദ്ര നിലനിര്ത്തിയാണ് പുതിയ സ്വിഫ്റ്റ് അവതരിപ്പിച്ചിരിക്കുന്നത്. കൂടുതല് സ്റ്റൈലിഷായി സ്പോര്ട്ടി ലുക്കിലാണ് പുതിയ സ്വിഫ്റ്റ് എത്തുന്നത്. ആകര്ഷകമായ രൂപകല്പ്പന തന്നെയാണ് പുതിയ മോഡലിനെ വേറിട്ടതാക്കുന്നത്.
എക്സ്റ്റീരിയറും ഇന്റീരിയറും പഴയ സ്വിഫ്റ്റിനെക്കാള് മെച്ചപ്പെടുത്തിയാണ് പുതിയ മോഡലിന്റെ വരവ്.
ഹൈബ്രിഡ് എം.എല്, ഹൈബ്രിഡ് ആര്.എസ്. എന്നീ രണ്ട് വകഭേദങ്ങളിലാണ് വാഹനം ജപ്പാനില് പുറത്തിറക്കിയത്. 1.2 ലിറ്റര് കെ സീരീസ് എന്ജിന് 90 ബി.എച്ച്.പി. കരുത്തും 118 എന്.എം. ടോര്ക്കും നല്കുന്നതാണ്. 1.0 ലിറ്റര് ബൂസ്റ്റര് ജെറ്റ് പെട്രോള് എന്ജിന് 100 ബി.എച്ച്.പി. കരുത്തും 150 എന്.എം. ടോര്ക്കും നല്കും.
സുരക്ഷ വര്ദ്ധിപ്പിക്കുന്നതിന്റെ ഭാഗമായി മാരുതിയുടെ പ്രീമിയം ഹാഷ്ബാക്ക് മോഡലായ ബലേനോയുടെ ലൈറ്റ്വെയ്റ്റ് പ്ലാറ്റ്ഫോമിലാണ് പുതിയ സ്വിഫ്റ്റിന്റെ നിര്മ്മാണം.
ഇന്ത്യയില് സ്വിഫ്റ്റില് നിലവിലെ 1.2 ലീറ്റര് പെട്രോള്, 1.3 ലീറ്റര് ഡീസല് എന്ജിനുകള് നിലനിര്ത്തും. നിലവിലെ സ്വിഫ്റ്റിനെക്കാള് കരുത്ത് ഈ എന്ജിനുകളില് പ്രതീക്ഷിക്കുന്നുണ്ട്.
2004ല് അവതരിപ്പിച്ച സ്വിഫ്റ്റ് 53 ലക്ഷം യൂണിറ്റുകളാണ് ഇതുവരെ ആഗോള വിപണിയില് വിറ്റഴിച്ചത്.