Defence

സൈനികർക്ക് അച്ഛേദിൻ : അത്യാധുനിക ഹെൽമറ്റ് ഉടൻ ലഭ്യമാകും

ന്യൂഡൽഹി : സൈന്യത്തിന്റെ ആധുനിക വത്കരണവുമായി നരേന്ദ്രമോദി സർക്കാർ മുന്നോട്ട് . അത്യാധുനിക ആയുധങ്ങൾക്കൊപ്പം ജവാന്മാരുടെ സുരക്ഷയ്ക്കും പ്രാധാന്യം നൽകിക്കൊണ്ടുള്ള പ്രതിരോധ നയത്തിന്റെ ഭാഗമായി ജവാന്മാർക്ക് പുതിയ ഹെൽമറ്റുകൾ ഉടൻ ലഭ്യമാക്കും . കാൺപൂർ ആസ്ഥാനമായ എം കെ യു ഇൻഡസ്ട്രീസുമായി ഇത് സംബന്ധിച്ച കരാർ ഒപ്പിട്ടതായാണ് റിപ്പോർട്ട്.

1.58 ലക്ഷം ഹെൽമറ്റുകൾക്കാണ് ഓർഡർ നൽകിയിരിക്കുന്നത് . ഇതിന് 180 കോടിയോളം രൂപ വിലവരും .ദശാബ്ദങ്ങളായി സൈന്യം ഉന്നയിച്ച പ്രധാന ആവശ്യങ്ങളിലൊന്നാണ് ഇപ്പോൾ നടപ്പിലാക്കുന്നത്. ബുള്ളറ്റ് പ്രൂഫ് ജാക്കറ്റുകൾ ,ഹെൽമറ്റുകൾ എന്നിവ നിർമ്മിക്കുന്നതിൽ അഗ്രഗണ്യരാണ് എം കെ യു ഇൻഡസ്ട്രീസ്.

9 എം എം വെടിയുണ്ടകളെപ്പോലും പ്രതിരോധിക്കാൻ ശക്തിയുള്ള ഈ ഹെൽമറ്റുകൾ തലയുടെ എല്ലാ ഭാഗത്തും സംരക്ഷണം നൽകുന്നവയാണ് . അത്യാധുനിക വിനിമയ ഉപകരണങ്ങളും ഇത്തരം ഹെൽമറ്റുകളിൽ ഘടിപ്പിക്കാൻ കഴിയും.

പത്ത് വർഷമായി കോൾഡ് സ്റ്റോറേജിലായിരുന്ന ബുള്ളറ്റ് പ്രൂഫ് ജാക്കറ്റുകൾ വാങ്ങാനുള്ള പദ്ധതിയും മോദി സർക്കാർ യാഥാർത്ഥ്യമാക്കിയിരുന്നു . അൻപതിനായിരം ബുള്ളറ്റ് പ്രൂഫ് ജാക്കറ്റുകൾ അടിയന്തിരമായി നിർമ്മിച്ചു നൽകാൻ ടാറ്റ അഡ്വാൻസ്ഡ് മെറ്റീരിയൽ ലിമിറ്റഡിനോടാണ് ആവശ്യപ്പെട്ടിരിക്കുന്നത്.

6K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close