നാഗ്പൂർ: ഇന്ത്യ – ഇംഗ്ലണ്ട് ട്വന്‍റി 20 പരമ്പരയിലെ രണ്ടാം മത്സരം ഇന്ന് നാഗ്‍പൂരിൽ. പരമ്പര കൈവിടാതിരിക്കാൻ ഇന്ത്യക്ക് ഇന്ന് ജയം അനിവാര്യമാണ്.
ടെസ്റ്റ് – ഏകദിന പരമ്പരകളിലെ പരാജയം സമ്മാനിച്ച ക്ഷീണം, ട്വന്‍റി 20യിലൂടെ മറികടക്കാമെന്ന പ്രതീക്ഷയിലാണ് സന്ദർശകർ. കരുത്തുറ്റ ഇന്ത്യൻ ബാറ്റിംഗ് നിരയെ ആദ്യമത്സരത്തിൽ അനായാസം മറികടക്കാനായതിന്‍റെ ആത്മവിശ്വാസത്തോടെയാകും ഇംഗ്ലണ്ട് ഇറങ്ങുക.
നായകനായ ശേഷമുള്ള വിരാട് കോഹ് ലിയുടെ ആദ്യ പരമ്പരയാണിത്. ടെസ്റ്റിലും ഏകദിനത്തിലും വിജയത്തോടെ തുടങ്ങിയ കോഹ് ലിക്ക് ഇന്ന് തോറ്റാൽ ആദ്യ പരമ്പര തോൽവി കൂടിയാകും ഇത്.
