IndiaDefence

ബോക്കോ ഹറമിനേയും കടന്ന് കമ്യൂണിസ്റ്റ് ഭീകരവാദം : ഇന്ത്യയിൽ മൂന്നിൽ രണ്ട് ഭീകരാക്രമണങ്ങളും നടത്തുന്നത് ഇടത് ഭീകരർ

ന്യൂഡൽഹി : ലോക ഭീകരവാദത്തിൽ മൂന്നാം സ്ഥാനത്ത് ഇടത് ഭീകരവാദം . ഐഎസിനും അൽ ഖായ്ദയ്ക്കും ശേഷമാണ് കമ്യൂണിസ്റ്റ് തീവ്രവാദം പട്ടികയിൽ ഇടം നേടിയിരിക്കുന്നത് . ബോക്കോ ഹറമിനേക്കാൾ മുന്നിലാണ് ഇപ്പോൾ കമ്യൂണിസ്റ്റ് തീവ്രവാദമെന്ന് യു എസ് പുറത്തിറക്കിയ റിപ്പോർട്ടിൽ വ്യക്തമാക്കുന്നു .2016 ൽ ഇന്ത്യയിൽ നടന്ന ഭീകരാക്രമണങ്ങളിൽ മൂന്നിൽ രണ്ടും ഇടത് ഭീകരരാണ് നടത്തുന്നതെന്നും റിപ്പോർട്ട്.

യു എസ് സ്റ്റേറ്റ് ഡിപ്പാർട്ട്മെന്റാണ് വിവിധ രാജ്യങ്ങളുടെ 2016 ലെ ഭീകര വിവരങ്ങൾ അപഗ്രഥിച്ച് റിപ്പോർട്ട് തയ്യാറാക്കിയത് . ലോകത്ത് 11,072 ഭീകരാക്രമണങ്ങൾ നടന്നതിൽ 927 എണ്ണം ഇന്ത്യയിലാണ് . ഇതിൽ മൂന്നിൽ രണ്ടോളം ആക്രമണങ്ങൾ നടത്തുന്നത് ഇടത് ഭീകരരാണ് . അതിൽ തന്നെ 336 ആക്രമണങ്ങൾ സിപിഐ ( മാവോയിസ്റ്റ് ) വിഭാഗമാണ് നടത്തിയിട്ടുള്ളത് .

ജമ്മു കശ്മീർ , ഛത്തീസ് ഗഡ് , മണിപ്പൂർ , ജാർഖണ്ഡ എന്നീ സംസ്ഥാനങ്ങളിലാണ് പകുതിയിലധികം ഭീകരാക്രമണങ്ങൾ നടന്നിട്ടുള്ളത്. 337 പേരാണ് ഇന്ത്യയിൽ ഭീകരാക്രമണങ്ങളിൽ കഴിഞ്ഞവർഷം കൊല ചെയ്യപ്പെട്ടത് .ഇതിൽ 174 പേരും മരിച്ചത് കമ്യൂണിസ്റ്റ് ഭീകരാക്രമണത്തിലാണ് . നോട്ട് നിരോധനത്തെ തുടർന്ന് സാമ്പത്തിക തകർച്ച നേരിട്ട കമ്യൂണിസ്റ്റ് ഭീകരർക്ക് 2017 ൽ ശക്തി ക്ഷയിച്ച് തുടങ്ങിയിട്ടുണ്ട് .

ജമ്മു കശ്മീരിൽ പാക് പിന്തുണയോടെ നടക്കുന്ന ആക്രമണങ്ങൽ വർദ്ധിച്ചെങ്കിലും ഭീകരരെ തുടച്ചു നീക്കുന്നതിൽ സുരക്ഷ ഏജൻസികളും ഒട്ടും പിന്നിലല്ല . കശ്മീരിലെ കൊടും ഭീകരരായ സബ്സർ ഭട്ട് , ജുനൈദ് മാട്ടു , ബഷീർ ലഷ്കരി തുടങ്ങിയ ഭീകരരെ വധിക്കാൻ സുരക്ഷ സൈന്യത്തിന് സാധിച്ചിരുന്നു.

 

 

6K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close