Defence

22 പേരെ കൊലപ്പെടുത്തിയ ഭീകരൻ : വന്നത് പാകിസ്ഥാനിൽ നിന്ന്

സുരക്ഷാ സൈന്യം വധിച്ച പാക് ഭീകരൻ അബു ഇസ്മായിൽ അഞ്ചുവർഷം മുൻപാണ് ഇന്ത്യയിലേക്ക് നുഴഞ്ഞ് കയറിയത് . കുൽഗാമിലും അനന്തനാഗിലും ലഷ്കറിന്റെ പ്രധാന നീക്കങ്ങളിൽ ഇയാൾ നിർണായക പങ്ക് വഹിച്ചതോടെ സൈന്യത്തിന്റെ മോസ്റ്റ് വാണ്ടഡ് പട്ടികയിൽ ഇടം നേടി.

ജൂലൈയിൽ രാജ്യത്തെ ഞെട്ടിച്ച അമർനാഥ് ആക്രമണത്തിന്റെ പ്രധാന സൂത്രധാരനായിരുന്നു അബു ഇസ്മയിൽ. 2017 ജൂലൈ 10 നായിരുന്നു ആക്രമണം . 7 തീർത്ഥാടകരാണ് ആക്രമണത്തിൽ കൊല്ലപ്പെട്ടത് . ഇതിൽ ആറു പേരും സ്ത്രീകളായിരുന്നു. മോട്ടോർബൈക്കുകളിലെത്തിയ ഭീകരർ തീർത്ഥാടകരുടെ ബസിന് നേരെ നിറയൊഴിക്കുകയായിരുന്നു . ബസ് ഡ്രൈവറുടെ വിപദി ധൈര്യമാണ് കൂടുതൽ പേർ കൊല്ലപ്പെടാതിരിക്കാൻ കാരണമായത് .

14 സൈനികരുടേയും 8 സാധാരണക്കാരുടേയും കൊലപാതകത്തിൽ പ്രധാന പങ്കു വഹിച്ച ആളാണ് അബു ഇസ്മായിൽ . ജൂൺ 24 ന് ശ്രീനഗറിൽ പാന്ത ചൗക്കിലെ ഡിപിഎസ് സ്കൂളിന് സമീപം സിആർപിഎഫിനെതിരെ നടന്ന ആക്രമണത്തിന് ചുക്കാൻ പിടിച്ചതും ഇയാളായിരുന്നു. അന്ന് അബു ഇസ്മായിലിനൊപ്പമുള്ള രണ്ട് ഭീകരരെ സൈന്യം വധിച്ചിരുന്നു . ജമ്മു – ശ്രീനഗർ ദേശീയ പാതയിൽ സുരക്ഷ സൈന്യത്തിനെതിരെ ആക്രമണം നടത്തുന്നതായിരുന്നു അബു ഇസ്മയിലിന്റെ ശൈലി .

കൂട്ടാളിയായ അബു ഖാസിമിനൊപ്പം നൗഗാം മേഖലയിൽ ഇയാളുടെ സാന്നിദ്ധ്യമുണ്ടെന്ന് തിരിച്ചറിഞ്ഞ സൈന്യം വിരിച്ച വലയിൽ ഇരുവരും വീഴുകയായിരുന്നു . പെട്ടെന്ന് വളയപ്പെട്ടതിൽ പരിഭ്രാന്തരായ ഇരുവരും ആയുധങ്ങൾ എടുത്ത് പ്രയോഗിക്കുന്നതിനു മുൻപ് തന്നെ വെടിയേറ്റ് വീണു . രണ്ട് എകെ 47 തോക്കുകളും തിരകളും കൊല്ലപ്പെട്ടവരിൽ നിന്നും സൈന്യത്തിന് ലഭിച്ചു.

അബു ദുജാന , ജുനൈദ് മാട്ടു , ബഷീർ ലഷ്കരി , സബ്സർ ഭട്ട് തുടങ്ങിയ കൊടും ഭീകരർക്കൊപ്പം അബു ഇസ്മായിലും കൊല്ലപ്പെട്ടതോടെ ഈ വർഷം ഭീകരവിരുദ്ധ പോരാട്ടത്തിൽ സൈന്യം വലിയ വിജയമാണ് നേടിയത് . 143 ഭീകരരെ സൈന്യം ഈ വർഷം ഇതുവരെ വധിച്ചു .

 

 

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close