ന്യൂഡൽഹി : ഇന്ത്യൻ ആർമിയുടെ ഇന്നത്തെ സല്യൂട്ട് ഭാരതത്തിന്റെ ആദ്യ പരമ വീരചക്ര ജേതാവിനായിരുന്നു,മേജർ സോമനാഥ് ശർമ്മക്ക്.
സ്വാതന്ത്ര്യം നേടി കുറച്ചു മാസങ്ങൾക്കുള്ളിൽ ശ്രീനഗർ വിമാനത്താവളം ആക്രമിക്കാനെത്തിയ പാക് തീവ്രവാദികളെ ഒഴിപ്പിക്കുന്നതിനിടയിൽ 1947 ലാണ് അദ്ദേഹം കൊല്ലപ്പെട്ടത്.
പാക് സേനയും,തീവ്രവാദികളുമടക്കം ആയിരത്തോളം പേരാണ് അന്ന് ശ്രീനഗർ വിമാനത്താവളം ആക്രമിക്കാനെത്തിയത്.
കൊല്ലപ്പെടും മുൻപ് സോമനാഥ് ശർമ്മ തന്റെ മുതിർന്ന ഉദ്യോഗസ്ഥർക്ക് അയച്ച സന്ദേശത്തിൽ ഇപ്രകാരം പറഞ്ഞിരുന്നു “ പാക് സേന ഞങ്ങളുടെ തൊട്ടടുത്തെത്തി കഴിഞ്ഞു,മരണം ഉറപ്പാണ് പക്ഷേ ഞങ്ങളുടെ കൂട്ടത്തിലെ ആരും ഒരു ഇഞ്ച് പിൻവലിയുകയില്ല, അവസാനത്തെ മനുഷ്യനും അവസാന റൗണ്ടുമായി യുദ്ധം ചെയ്യും. ”
1950 ൽ രാഷ്ട്രം മരണാനന്തര പരമവീര ചക്ര ബഹുമതി നൽകി അദ്ദേഹത്തിന്റെ സേവനത്തെ ആദരിച്ചു.
ജമ്മു കശ്മീരിലെ ബുഡ്ഗാം മേഖലയിൽ നടത്തിയ അനുസ്മരണ ചടങ്ങിൽ ഇന്ത്യൻ ആർമിയിലെ ഉന്നത് ഉദ്യോഗസ്ഥരും,പ്രതിരോധമന്ത്രാലയ പ്രതിനിധികളും പങ്കെടുത്തു.
