Defence

കശ്മീരിൽ ഭീകരരെ നേരിടാൻ ഇനി സ്നൈപ്പർമാരും

ശ്രീനഗർ : 2017 പാകിസ്ഥാനും പാക് പിന്തുണയോടെ പ്രവർത്തിക്കുന്ന ഭീകരർക്കും വൻ തിരിച്ചടിയാണ് നൽകിയത് . ഇരുനൂറിലധികം ഭീകരരാണ് സൈന്യത്തിന്റെ പ്രത്യാക്രമണത്തിൽ കൊല്ലപ്പെട്ടത് . കൊടും ഭീകരർ ഉൾപ്പെടെയുള്ള കമാൻഡർമാരെ കൊലപ്പെടുത്തിയത് സൈന്യത്തിന്റെ ഓപ്പറേഷൻ ഓൾ ഔട്ട് എന്ന സൈനിക നീക്കത്തിലൂടെയായിരുന്നു.

2018 ലും പുറത്തു വരുന്ന വാർത്തകൾ വ്യത്യസ്തമല്ല . ഓപ്പറേഷൻ ഓൾ ഔട്ട് പൂർവാധികം ശക്തിയോടെ മുന്നോട്ടു കൊണ്ടുപോകാനാണ് തീരുമാനം . ഭീകരതയോട് യാതൊരു വിട്ടു വീഴ്ചയും പാടില്ലെന്നാണ് തീരുമാനം . അതുകൊണ്ട് തന്നെ പുതിയ പ്രത്യാക്രമണ തന്ത്രങ്ങളും സൈന്യം ആലോചിക്കുന്നുണ്ട് .

കൊടും കാടുകൾക്കിടയിലും മറ്റ് കേന്ദ്രങ്ങളിലും ഒളിച്ചിരുന്ന് യുദ്ധം നയിക്കുന്ന ഭീകരരെ നേരിടാൻ ഇനി സ്നൈപ്പർമാരും എത്തുന്നു. കൂടുതൽ ദൂരെയുള്ള ലക്ഷ്യങ്ങളെ ഭേദിക്കാൻ കഴിയുമെന്നതാണ് സ്നൈപ്പറിന്റെ ഗുണം . ഒപ്പം ആയുധങ്ങൾ കുറച്ചു മതിയെന്നതും നേട്ടമാണ്.

സി‌ആർപി‌എഫിന്റെ സ്പെഷ്യൽ ഗ്രൂപ്പും കശ്മീർ പൊലീസിന്റെ സ്പെഷ്യൽ ഓപ്പറേഷൻ ഗ്രൂപ്പും ഇതിനായുള്ള പരിശീലനത്തിലാണ് . എൻഎസ്‌ജി കമാൻഡോകളാണ് പരിശീലനം നൽകുന്നത്. അത്യാധുനികമായ പി‌എസ്‌ജി 1 ആൽഫ 1 സ്നൈപ്പർ , ബെറെറ്റ സ്നൈപ്പർ റൈഫിൾ എന്നിവ എൻഎസ്ജിയുടെ ആയുധശേഖരത്തിൽ ഉണ്ട്

6K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close