ജീവിതത്തിന് വേണ്ടത് നീളമല്ല.വിശാലതയാണ് ; വീരമ്യത്യൂ വരിച്ച സൈനികന്റെ പോരാട്ട വീര്യം നിറഞ്ഞ വാക്കുകൾക്ക് ഭാരതത്തിന്റെ സല്യൂട്ട്

ജീവിതത്തിന് നീളം വേണമെന്നില്ല പക്ഷേ അത് വിശാലമാകണം , ക്യാപ്റ്റൻ കപിൽ കുന്ദുവിന്റെ വാക്കുകളിൽ പോരാട്ട വീര്യത്തിന്റെ ചൂടുണ്ടായിരുന്നു.

‘ആനന്ദ്‘ എന്ന ചിത്രത്തിൽ അമിതാഭ് ബച്ചൻ പറഞ്ഞ ഈ വാക്കുകൾക്ക് പ്രേക്ഷകർ നിറഞ്ഞ കൈയ്യടിയാണ് തിരിച്ചു നൽകിയതെങ്കിൽ ക്യാപ്റ്റൻ കുന്ദുവിന്റെ ഈ വാക്കുകൾക്ക് ഇന്ത്യ ഒന്നടങ്കം നൽകുന്നത് സല്യൂട്ടാണ്.

അതിർത്തിയിൽ വീരമ്യത്യൂ വരിച്ച ക്യപ്റ്റൻ കപിൽ കുന്ദുവിന്റെ ഫെയ്സ് ബുക്കിൽ മരണത്തിന് ഏതാനും ദിവസങ്ങൾക്ക് മുൻപ് കുറിച്ചിട്ട വാക്കുകളാണ് ഇവ.
ഈ മാസം 10 ന് ഇരുപത്തിമൂന്നാം പിറന്നാൾ ആഘോഷിക്കാനിരിക്കെയാണ് ഞായറാഴ്‌ച്ച പാകിസ്ഥാൻ നടത്തിയ ഷെല്ലാക്രമണത്തിൽ കുന്ദു വീരമ്യത്യൂ വരിച്ചത്.

ഹരിയാനയിലെ രൻസിക ഗ്രാമത്തിൽ നിന്നുള്ള കുന്ദു ഏറെ ഇഷ്ടപ്പെട്ടിരുന്നത് സാഹസികതയുടെയും,കവിതയുടേയും ലോകത്തെയായിരുന്നു.
രാജ്യസ്നേഹത്തെ വിഷയമാക്കിയുള്ള കവിതകളെയാണ് കപിൽ കുന്ദു ഏറെ ഇഷ്ടപെട്ടിരുന്നതെന്ന് അമ്മ സുനിത പറഞ്ഞു.

കപിൽ കുന്ദുവിനോടൊപ്പം പാക് ആക്രമണത്തിൽ ഹവിൽ ദാർ റോഷൻ ലാൽ,റാം അവതാർ,ശുബം സിംഗ് തുടങ്ങിയവരും വീരമ്യത്യൂ വരിച്ചിരുന്നു.