Defence

പ്രെഡേറ്ററോട് കിടപിടിക്കാൻ ഇന്ത്യയുടെ രുസ്തം ഡ്രോൺ ; പരീക്ഷണം വിജയകരം

ബംഗളൂരു : അമേരിക്കയുടെ പ്രെഡേറ്റർ ഡ്രോണുകളോട് കിടപിടിക്കത്തക്ക വിധത്തിൽ ഇന്ത്യയുടെ പ്രതിരോധ ഗവേഷണ സംഘടന ഡി ആർ ഡി ഒ വികസിപ്പിച്ചെടുത്ത മീഡിയം അള്‍റ്റിട്ട്യൂഡ് അൺമാൻഡ് ഏരിയൽ വെഹിക്കിൾ രുസ്തം
ഡ്രോൺ-2 വിന്റെ പരീക്ഷണ പറക്കൽ വിജയകരം.

ബംഗളൂരുവിലെ ചിത്രദുര്‍ഗ ജില്ലയിലെ ചലക്കെരെയിലെ ഡി.ആർ.ഡി.ഒയുടെ കേന്ദ്രത്തിലാണ് പരീക്ഷണം നടന്നത്.

ഉന്നത ശേഷിയുള്ള എഞ്ചിൻ ഘടിപ്പിച്ച ശേഷം ആദ്യമായിട്ടുള്ള പരീക്ഷണമാണ് ഇന്ന് നടന്നത്.ഡ്രോണിന്റെ പറക്കല്‍ശേഷിയായിരുന്നു പ്രധാനമായും പരീക്ഷണ വിധേയമാക്കിയത്.2009 ലായിരുന്നു രുസ്തം ഡ്രോൺ-1 ന്റെ ആദ്യ പരീക്ഷണ പറക്കൽ.

കൊലയാളി ഡ്രോണുകൾ എന്ന് വിളിപ്പേരുള്ള അമേരിക്കയുടെ പ്രെഡേറ്റർ ഡ്രോണുകൾ പോലെ ശത്രുകേന്ദ്രങ്ങളിൽ കടന്ന് ചെന്ന് ശക്തമായ ആക്രമണം നടത്താന്‍ കഴിയും വിധത്തിലാണ് ഇന്ത്യയുടെ പ്രതിരോധ ഗവേഷണ സംഘടന രുസ്തം -2 വിനെ രൂപപ്പെടുത്തിയിരിക്കുന്നത്.

അത്യാധുനിക ആയുധങ്ങൾ വഹിച്ചു കൊണ്ട് 24 മണിക്കൂർ തുടർച്ചയായി പറക്കാൻ കഴിയുന്ന ഡ്രോണാണ് രുസ്തം – 2.

സൈനികർക്ക് കടന്നു ചെല്ലാൻ പറ്റാത്ത സ്ഥലങ്ങളിൽ നിരീക്ഷണത്തിന് ഇവ ഉപയോഗിക്കുവാൻ സാധിക്കും.

ഭാരതത്തിന്‍റെ മൂന്നു പ്രതിരോധസേനകള്‍ക്കും നിരീക്ഷണം, അതിർത്തി കാവൽ എന്നിങ്ങനെയുള്ള എല്ലാ മിഷനുകളിലും രുസ്തം ഡ്രോണുകൾ ഉപയോഗിക്കാൻ സാധിക്കും.

 

4K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close