Indian Premier League

രണ്ടാം ജയം നേടാന്‍ ചെന്നൈയും കൊല്‍ക്കത്തും ഇന്നിറങ്ങും

ചെന്നൈ: ഐപിഎല്ലില്‍ രണ്ടാം ജയം ലക്ഷ്യമിട്ട് ചെന്നൈ സൂപ്പര്‍ കിംഗ്‌സും, കൊല്‍ക്കത്ത നൈറ്റ്‌റൈഡേഴ്‌സും ഇന്ന് നേര്‍ക്കുനേര്‍. ആദ്യ മത്സരത്തില്‍ നേടിയ തകര്‍പ്പന്‍ ജയത്തിന്റെ ആത്മവിശ്വാസവുമായാണ് ഇരു ടീമുകളും കളത്തില്‍ ഇറങ്ങുന്നത്. കാവേരി വിഷയത്തില്‍ പ്രതിഷേധം നിലനില്‍ക്കുന്നതിനാല്‍ കനത്ത സുരക്ഷയാണ് ചെന്നൈ ചെപ്പോക്കിലെ സ്‌റ്റേഡിയത്തില്‍ ഒരുക്കിയിരിക്കുന്നത്. ഇന്നു രാത്രി എട്ടു മണിക്കാണ് മത്സരം.

സീസണിലെ ആദ്യ ഹോം മത്സരത്തിനാണ് ചെന്നൈ സൂപ്പര്‍ കിങ്‌സ് ഇറങ്ങുന്നത്. ആദ്യ മത്സരത്തില്‍ മുംബൈ ഇന്ത്യന്‍സിനെ അവരുടെ തട്ടകത്തില്‍ കീഴടക്കിയതിന്റെ ആത്മവിശ്വാസത്തിലാണ് ധോനിയും സംഘവും. ഡെയ്ന്‍ ബ്രാവോയുടെ വീറുറ്റ പോരാട്ടം ടീമിനാകെ ഊര്‍ജം പകര്‍ന്നിട്ടുണ്ട്. എന്നാല്‍ ബാറ്റിംഗില്‍ നായകന്‍ എം എസ് ധോനിയുള്‍പ്പെട്ട മധ്യനിര കരുതലോടെ മുന്നേറേണ്ടതുണ്ട്. ചാഹലും ഷെയ്ന്‍ വാട്‌സനും ഡെയ്ന്‍ ബ്രാവോയും മികച്ച രീതിയില്‍ പന്തെറിയുന്നു. എന്നാല്‍ സ്പിന്നര്‍മാര്‍ക്ക് താളം കണ്ടെത്താനായിട്ടില്ല.

റോയല്‍ ചലഞ്ചേഴ്‌സ് ബാംഗ്ലൂരിനെ സ്വന്തം തട്ടകത്തില്‍ കീഴടക്കിയാണ് കൊല്‍ക്കത്ത ചെന്നൈയിലെത്തുന്നത്. ബാംഗ്ലൂരിനെതിരെ പതിനേഴ് പന്തില്‍ 50 റണ്‍സ് അടിച്ച സുനില്‍ നരൈനും ദിനേശ് കാര്‍ത്തിക്കും നിധീഷ് റാണയും മികച്ച ഫോമിലാണ്. ക്രിസ് ലീനും റോബിന്‍ ഉത്തപ്പയും, ആന്‍ഡ്രൂ റസലും തകര്‍ത്തടിച്ചാല്‍ കൊല്‍ക്കത്തയ്ക്ക് മുന്നേറാം. സുനില്‍ നരൈനും പിയുഷ് ചൗളയും കുല്‍ദീപ് യാദവും ഉള്‍പ്പെട്ട സ്പിന്‍ വിഭാഗത്തിലാണ് കൊല്‍ക്കത്തയുടെ പ്രതീക്ഷ. പ്രതിഷേധച്ചൂടിനിടയിലും ചെപ്പോക്കിലെ എം എ ചിദംബരം സറ്റേഡിയം ഇന്ന് നിറഞ്ഞു കവിയുമെന്ന് ഉറപ്പ്.

1 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close