Indian Premier League

പഞ്ചാബും കൊല്‍ക്കത്തയും ഇന്ന് നേര്‍ക്കു നേര്‍

കൊല്‍ക്കത്ത: ആധിപത്യം ഉറപ്പിക്കാന്‍ കൊല്‍ക്കത്ത നൈറ്റ് റൈഡേഴ്‌സും കിംഗ്‌സ് ഇലവന്‍ പഞ്ചാബും ഇന്ന് നേര്‍ക്കുനേര്‍. ബാറ്റിംഗിലെ ആഴമാണ് ഇരു ടീമുകളുടേയും കരുത്ത്. കൊല്‍ക്കത്തയില്‍ വൈകിട്ട് നാലിനാണ് മത്സരം.

സ്വന്തം തട്ടകത്തില്‍ കൊല്‍ക്കത്ത നൈറ്റ് റൈഡേഴ്‌സിനെ മറികടക്കുക പ്രയാസമാണെങ്കിലും തികഞ്ഞ ആത്മവിശ്വാസത്തിലാണ് കിംഗ്‌സ് ഇലവന്‍ പഞ്ചാബ്. കളിച്ച നാല് മത്സരങ്ങളില്‍ മൂന്നും ജയിച്ച് ആറ് പോയിന്റുമായി മുന്നേറുകയാണ് അവര്‍. ഓരോ മത്സരം കഴിയുന്തോറും കൂടുതല്‍ ഒത്തിണക്കം കൈവരിക്കാന്‍ കഴിയുന്നത് കിംഗ്‌സ് ഇലവനെ കൂടുതല്‍ അപകടകാരികളാക്കുന്നു. ലോകേഷ, രാഹുല്‍, കരുണ്‍നായര്‍, എന്നിവര്‍ക്കൊപ്പം ക്രിസ് ഗെയില്‍ കൂടി ചേരുമ്പോള്‍ ഏതൊരു ബൗളിംഗ് നിരയും വിറയ്ക്കുമെന്ന് ഉറപ്പ്. ഈ സീസണിലെ ഏറ്റവും ശക്തമായ ബൗളിംഗ് നിരയുള്ള സണ്‍റൈസേഴ്‌സ് ഹൈദരാബാദിനെതിരായ പ്രകടനം തന്നെ ഒടുവിലത്തെ ഉദാഹരണം. ആര്‍.അശ്വിന്‍, മോഹിത് ശര്‍മ്മ, മുജീബ് ഉര്‍ റഹ്മാന്‍ എന്നിവരടങ്ങിയ ബൗളിംഗ് നിര മോശമല്ലാത്ത പ്രകടനം കാഴ്ചവയ്ക്കുന്നുണ്ടെങ്കിലും വിക്കറ്റ് വീഴ്ത്തുന്നതില്‍ കുറേ കുടി മെച്ചപ്പേടേണ്ടിയിരിക്കുന്നു.

മറുവശത്ത് കൊല്‍ക്കത്തയും കരുത്തുറ്റ പ്രകടനങ്ങള്‍ പുറത്തെടുത്ത നിരയാണ്. ക്രിസ് ലിന്‍, സുനില്‍ നരീന്‍, റോബിന്‍ ഉത്തപ്പ, ദിനേഷ് കാര്‍ത്തിക്ക്, നിതീഷ് റാണ, ആേ്രന്ദ റസ്സല്‍ എന്നിവരടങ്ങിയ ബാറ്റിംഗ് നിരയുടെ ചൂട് പലതവണ കണ്ടതാണ്. പീയൂഷ് ചൗളയും, സുനില്‍ നരേനും കുല്‍ദീപ് യാദവും അടങ്ങിയ സ്പിന്നര്‍മാര്‍ കരുത്തരെങ്കിലും പേസ് നിരയ്ക്ക് പരിചയക്കുറവിന്റെ പ്രശ്‌നങ്ങള്‍ നേരിടുന്നുണ്ട്.

69 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close