Indian Premier League

അങ്കത്തട്ടില്‍ ഇന്ന് ഏറ്റുമുട്ടാന്‍ മുംബൈ ഇന്ത്യന്‍സും സണ്‍റൈസേഴ്‌സ് ഹൈദരാബാദും

മുംബൈ: ഐ.പി.എല്ലില്‍ ഇന്ന് മുംബൈ ഇന്ത്യന്‍സും സണ്‍റൈസേഴ്‌സ് ഹൈദരാബാദും നേര്‍ക്കുനേര്‍. തുടക്കത്തിലെ തോല്‍വികള്‍ക്കുശേഷം ശക്തമായ തിരിച്ചുവരവ് നടത്തിയിട്ടുള്ള മുംബൈ ഇക്കുറിയും അത് ആവര്‍ത്തിക്കുമെന്ന പ്രതീക്ഷയിലാണ് ആരാധകര്‍. മുംബൈയില്‍ രാത്രി എട്ടിനാണ് മത്സരം.

ജയിക്കാവുന്ന സാഹചര്യത്തില്‍ നിന്നും മത്സരങ്ങള്‍ തോറ്റ് പിന്നിലായ മുംബൈക്ക് ഇനിയുള്ള കളികള്‍ ജയിച്ചേ തീരൂ എന്ന അവസ്ഥയാണുള്ളത്. അതിന് ബാറ്റിംഗിലും ബൗളിംഗിലും ഏറെ മുന്നോട്ടു പോകേണ്ടിയിരിക്കുന്നു. രോഹിത് ശര്‍മ്മ ഫോമിലേക്ക് ഉയരാത്തതാണ് പ്രധാന പ്രശ്‌നം, മികച്ച തുടക്കം ലഭിച്ചിട്ടും അവസാന അഞ്ച് ഓവറില്‍ സ്‌കോറിംഗിന് വേഗത കൂട്ടാന്‍ സാധിക്കാത്തത് അതിലേറെ വലിയ പ്രശ്‌നം. തുടക്കത്തിലെ മിടുക്ക് അവസാന ഓവറുകളില്‍ പ്രകടിപ്പിക്കാന്‍ കഴിയാത്ത ദൗര്‍ബല്യം ബൗളര്‍മാരേയും അലട്ടുന്നുണ്ട്. അവസാന ഓവറുകള്‍ കളിക്കുന്നതിലെ പിഴവ് പരിഹരിക്കാതെ മുന്നോട്ടുപോകാന്‍ സാധിക്കില്ല മുംബൈ ഇന്ത്യന്‍സിന് എന്ന് ചുരുക്കം.

ഇതുവരെ കളിച്ച അഞ്ച് മത്സരങ്ങളില്‍ ഒന്നു മാത്രമാണ് മുംബൈക്ക് ജയിക്കാനായത്. എങ്കിലും ചാമ്പ്യന്‍മാരായ 2015ല്‍ ആദ്യ അഞ്ചില്‍ ഒന്നില്‍ മാത്രമാണ് മുംബൈ ജയിച്ചിരുന്നത്. അതിനുശേഷമുള്ള അവിശ്വസനീയ കുതിപ്പിലൂടെ കപ്പുയര്‍ത്തുകയായിരുന്നു. അത് ഇക്കുറിയും ആവര്‍ത്തിക്കുമോ എന്നാണ് ആരാധകര്‍ ഉറ്റുനോക്കുന്നത്.

മറുവശത്ത് അഞ്ച് മത്സരങ്ങളില്‍ മൂന്നിലും ജയിച്ച് നാലാം സ്ഥാനത്താണ് സണ്‍റൈസേഴ്‌സ് ഹൈദരാബാദ്. ബാറ്റിംഗിലെ ആഴമില്ലായ്മയാണ് അവര്‍ക്ക് പ്രശ്‌നം സൃഷ്ടിക്കുന്നത്. പ്രധാന താരം ശിഖര്‍ ധവാന് ഏറ്റ പരിക്ക് അതുകൊണ്ടുതന്നെ ടീമിന് തലവേദനയാണ്. ഇതിനുപുറമേയാണ് കഴിഞ്ഞ കളിയില്‍ യൂസുഫ് പഠാനും പരിക്കേറ്റത്. ഇന്നത്തെ മത്സരത്തില്‍ ഭുവനേശ്വര്‍ കുമാര്‍ കളിക്കുന്നില്ല എന്നതും അവര്‍ക്ക് പ്രശ്‌നം സൃഷ്ടിച്ചേക്കും. അതേസമയം, ഇരുടീമും ഒടുവില്‍ ഏറ്റുമുട്ടിയ അഞ്ച് കളികളില്‍ നാലിലും ജയം നേടിയതിന്റെ ആത്മവിശ്വാസം സണ്‍റൈസേഴ്‌സിനുണ്ട്.

138 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close