ന്യൂഡൽഹി ; സൈന്യത്തിന്റെ കരുത്ത് തെളിയിക്കാൻ ഇന്ത്യ – നേപ്പാൾ സംയുക്ത സൈനിക അഭ്യാസം ‘ സൂര്യകിരൺ‘ ഈ മാസം 30 ന് ആരംഭിക്കും.
പതിമൂന്നാമത് സൈനികാഭ്യാസങ്ങൾ ഉത്തരാഖണ്ഡിലാണ് നടക്കുന്നത്. മൂന്നൂറിലേറെ സൈനികർ പരിശീലനത്തിൽ പങ്കെടുക്കും.
ഒട്ടേറെ രാജ്യങ്ങളുമായി ഇന്ത്യ സംയുക്ത സൈനിക അഭ്യാസങ്ങൾ നടത്താറുണ്ടെങ്കിലും നേപ്പാളുമായി നടത്തുന്ന സൂര്യകിരണിലാണ് ഇന്ത്യൻ സൈനികരുടെ പങ്കാളിത്തം ഏറെയുള്ളത്.
ഭീകരവാദത്തിനെതിരെ ഒറ്റക്കെട്ടായി നിൽക്കുമെന്ന സൂചനയാണ് സൂര്യകിരൺ സംയുക്ത അഭ്യാസങ്ങളിലൂടെ നൽകുന്നത്.ഒപ്പം ദുരന്ത നിവാരണങ്ങളിൽ ഒരുമിച്ച് പ്രവർത്തിക്കുമെന്നുള്ള ഉറപ്പും ഈ സൈനിക അഭ്യാസങ്ങളിലൂടെ പരസ്പരം കൈമാറുന്നുണ്ട്.
ഇരു രാജ്യങ്ങളും തമ്മിലുള്ള ഉഭയകക്ഷി ബന്ധത്തിന് കൂടുതൽ ഉറപ്പേകുന്ന സൈനികാഭ്യാസങ്ങൾ ജൂൺ 12 ന് അവസാനിക്കും.
