പാരീസ്: ഫ്രഞ്ച് ഓപ്പൺ ടെന്നീസ് പുരുഷ സിംഗിൾസ് കിരീടം റാഫേൽ നദാലിന്. റൊളാണ്ട് ഗാരോസിലെ കലാശപ്പോരിൽ ഓസ്ട്രിയയുടെ ഡൊമനിക് തീമിനെ നേരിട്ടുള്ള സെറ്റുകൾക്കാണ് നദാൽ കീഴടക്കിയത്. സ്കോർ 6 – 4, 6 – 3, 6 -2.
ലോക ഒന്നാം നമ്പർ താരം നദാലിന്റെ 11-ാം ഫ്രഞ്ച് ഓപ്പൺ കിരീടമാണിത്. ഇതോടെ നദാൽ ഒരു ഗ്രാൻസ്ലാമിൽ 11 കിരീടമെന്ന ഓസ്ട്രേലിയൻ താരം മാർഗരറ്റ് കോർട്ടിന്റെ റെക്കോർഡിന് ഒപ്പമെത്തി.
24-ാം ഗ്രാൻസ്ലാം സിംഗിൾസ് ഫൈനലിന് ഇറങ്ങിയ നദാലിന്റെ 17-ാം കിരീട നേട്ടമാണിത്. കളിമൺ കോർട്ടിൽ ആദ്യ ഫൈനലിന് ഇറങ്ങിയ ഡൊമനിക് തീമിന് മത്സരത്തിൽ കാര്യമായ വെല്ലുവിളി ഉയർത്താനായില്ല.
