Business

വാറൻ ബഫറ്റിനെ പിന്തള്ളി ഫേസ്ബുക്ക് മുതലാളി

ലോകത്തെ ഏറ്റവും സമ്പത്തുള്ളവരുടെ പട്ടികയിൽ മൂന്നാം സ്ഥാനത്തെത്തി ഫേസ്ബുക്ക് സ്ഥാപകൻ മാർക്ക് സുക്കർബർഗ്ഗ് . നിക്ഷേപ സാമ്രാജ്യത്തിലെ ഭീമൻ വാറൻ ബഫറ്റിനെ പിന്തള്ളിയാണ് സുക്കർബർഗ്ഗ് പട്ടികയിൽ മൂന്നാം സ്ഥാനത്തേക്ക് കയറിയത്.

ആമസോൺ സ്ഥാപകൻ ജെഫ് ബെസോസും മൈക്രോസോഫ്റ്റ് സ്ഥാപകൻ ബിൽ ഗേറ്റ്സും മാത്രമാണ്‌ ഇനി സുക്കർ ബർഗ്ഗിനു മുകളിലുള്ളത്. ഫേസ്ബുക്കിന്റെ ഓഹരിവിലയിൽ 2.4 ശതമാനത്തിന്റെ വർദ്ധനവ് ഉണ്ടായതോടെയാണ് സുക്കർ ബർഗ്ഗ് ധനികരുടെ പട്ടികയിൽ മൂന്നാം സ്ഥാനത്തെത്തിയത്.

നിലവിൽ സുക്കർബർഗ്ഗിന്റെ ആസ്തി 81.6 ബില്യൺ ഡോളറാണ് , ബഫറ്റിനേക്കാൾ 373 മില്യൺ ഡോളർ കൂടുതലാണിത്.ഫേസ്ബുക്ക് ഉപയോഗിക്കുന്ന വ്യക്തികളുടെ വിവരങ്ങൾ ദുരുപയോഗം ചെയ്യുന്നു എന്ന പരാതിയെത്തുടർന്ന് ഓഹരിയിൽ വൻ ഇടിവ് നേരിട്ട ഫേസ്ബുക്ക് ഇപ്പോൾ തിരിച്ചു വരവിന്റെ പാതയിലാണെന്നാണ് ‌റിപ്പോർട്ട്.

199 Shares

Please scroll down for comments

Close
Close