തിരുവനന്തപുരം : കനത്ത മഴയെത്തുടർന്ന് സംസ്ഥാനത്ത് എട്ട് ജില്ലകൾക്ക് അവധി പ്രഖ്യാപിച്ചു. തിരുവനന്തപുരം , ആലപ്പുഴ , പത്തനംതിട്ട, ഇടുക്കി, കൊല്ലം, എറണാകുളം കോട്ടയം, തൃശൂർ ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചത്. പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് അവധി.
കോഴിക്കോട് ഭട്ട് റോഡിലും ഗോതീശ്വരം ബീച്ചിലും കടലാക്രമണം രൂക്ഷമായി. ഒരു വീട് തകര്ന്നു. 24 വീടുകള് കടലാക്രമണ ഭീഷണിയിലാണ്. 18 വീട്ടുകാരെ മാറ്റിപ്പാര്പ്പിച്ചു.
അതേസമയം മഴ കനത്തതോടെ ദുരന്ത നിവാരണ അതോറിറ്റി മുന്നറിയിപ്പ് ചുവടെ
1.ഉരുള്പൊട്ടല് സാധ്യത ഉള്ളതിനാല് രാത്രി സമയത്ത് (7 pm to 7 am) മലയോരമേഖലയിലേക്കുള്ള യാത്ര പരിമിതപെടുത്തുവാന് പൊതുജനങ്ങള് ശ്രദ്ധിക്കണം
2. ബീച്ചുകളില് കടലില് ഇറങ്ങാതിരിക്കുവാന് പൊതുജനങ്ങള് ശ്രദ്ധിക്കണം. പുഴകളിലും തോടുകളിലും ജല നിരപ്പ് ഉയരുവാന് സാധ്യതയുണ്ട്. പുഴകളിലും, ചാലുകളിലും, വെള്ളകെട്ടിലും മഴയത്ത് ഇറങ്ങാതിരിക്കുവാന് പൊതുജനങ്ങള് ശ്രദ്ധിക്കണം
3. മലയോര മേഘലയിലെ റോഡുകള്ക്ക് കുറുകെ ഉള്ള ചെറിയ ചാലുകളിലൂടെ മലവെള്ള പാച്ചിലും ഉരുള്പൊട്ടലും ഉണ്ടാകുവാന് സാധ്യതയുണ്ട് എന്നതിനാല് ഇത്തരം ചാലുകളുടെ അരികില് വാഹനനങ്ങള് നിര്ത്താതിരിക്കുവാന് പൊതുജനങ്ങള് ശ്രദ്ധിക്കണം
4. മരങ്ങള്ക്ക് താഴെ വാഹനം പാര്ക്ക് ചെയ്യാതിരിക്കുവാന് പൊതുജനങ്ങള് ശ്രദ്ധിക്കണം
5. ഉരുള്പൊട്ടല് സാധ്യത ഉള്ള മലയോര മേഖലയിലെ ജനങ്ങള് ജാഗരൂകരായിരിക്കണം എന്ന് അഭ്യര്ത്ഥിക്കുന്നു 6. ഉദ്യോഗസ്ഥര് അവശ്യപ്പെട്ടാല് മാറി താമസിക്കുവാന് അമാന്തം കാണിക്കരുത് എന്ന് പൊതുജനങ്ങളോട് അഭ്യര്ത്ഥിക്കുന്നു
7. പരിശീലനം സിദ്ധിച്ച സന്നദ്ധ പ്രവര്ത്തകര് അല്ലാതെയുള്ളവര് വെള്ളപ്പൊക്കം, ഉരുള്പൊട്ടല് എന്നിവ ബാധിച്ച സ്ഥലങ്ങളിലേക്കുള്ള സന്ദര്ശനം ഒഴിവാക്കുക
17-7-2018 വരെ അതിശക്തമായ മഴ ലഭിക്കും എന്ന അറിയിപ്പിന്റെ വെളിച്ചത്തില്, ഈ മുന്നറിയിപ്പ് ശ്രദ്ധയോടെ കണക്കാക്കണം. തുടര്ച്ചയായി മഴ ലഭിച്ചതിനാല്, ശക്തമായ മഴ പെട്ടന്നുള്ള വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവയ്ക്ക് കാരണമാകാം.