ഇന്ത്യൻ സൈന്യത്തിനൊപ്പം ചേർക്കാൻ ഇനി ടാറ്റയുടെ വമ്പന്മാരും. സൈന്യത്തിനായി ടാറ്റ നിർമ്മിച്ച ടാറ്റ 4X4 മൈൻ പ്രൊട്ടക്ടഡ്,ഡബ്യൂ എച്ച് എ-പി8 എക്സ്8 എന്നീ വാഹങ്ങൾ ബിംസ്റ്റെക്ക് ഉച്ചകോടിയിൽ പ്രദർശിപ്പിക്കും.
ടാറ്റ 4X4 മൈൻ പ്രൊട്ടക്ടഡ്,ഡബ്യൂ എച്ച് എ-പി8 എക്സ്8 എന്നിവ ഏത് നിരത്തിലും ഉപയോഗിക്കാൻ കഴിയും വിധത്തിലാണ് രൂപകൽപ്പന ചെയ്തിരിക്കുന്നത്.
ടാറ്റയും,ഇന്ത്യൻ ഡിഫൻസ് റിസർച്ച് ആന്റ് ഡവലപ്പ്മെന്റുമായി സഹകരിച്ചാണ് വാഹനങ്ങൾ വികസിപ്പിച്ചിരിക്കുന്നത്. സ്ഫോടനവും മിസൈൽ അടക്കമുള്ളവയേയും പ്രതിരോധിക്കാൻ ശേഷിയുള്ളതാണ് വാഹനങ്ങൾ .18 മാസങ്ങൾ കൊണ്ടാണ് ഇവയുടെ നിർമ്മാണം പൂർത്തീകരിച്ചത്.12 പേർക്ക് യാത്ര ചെയ്യാൻ സാധിക്കും.
ആർമേഡ് ഫൈറ്റിംഗ് വെഹിക്കിൾസ്,മെഡിക്കൽ ഇവാക്കുവേഷൻ വെഹിക്കിൾ,കമാൻഡേഴ്സ് വെഹിക്കിൾ,ആന്റി ടാങ്ക് മിസൈൽ വെഹിക്കിൾ തുടങ്ങിയ പതിപ്പുകളിലും അവതരിപ്പിക്കുന്നുണ്ട്.
കേന്ദ്ര സര്ക്കാരിന്റെ മെയ്ക്ക്-ഇന്-ഇന്ത്യ ഫോര് ഡിഫന്സ് പദ്ധതിക്ക് പിന്തുണ ഉറപ്പാക്കുന്നതിനാണ് ടാറ്റ സൈനിക വാഹനങ്ങള് ഒരുക്കിയിരിക്കുന്നത്.
ഇത് കൂടാതെ ബിംസ്റ്റെക്ക് രാജ്യങ്ങളുമായി സൈനിക വാഹന വിതരണങ്ങൾക്ക് ടാറ്റ കരാറിലേർപ്പെടുകയും ചെയ്തിട്ടുണ്ട്. മ്യാന്മാർ,തായ്ലൻഡ്,നേപ്പാൾ തുടങ്ങിയ രാജ്യങ്ങളിലെ സൈനിക വിഭാഗങ്ങൾക്ക് ടാറ്റ വാഹനങ്ങൾ രൂപകൽപ്പന ചെയ്തിട്ടുണ്ട്.