Kerala

സത്രം -പുല്ലുമേട് കാനനപാതയില്‍ അയ്യപ്പഭക്തരുടെ സുരക്ഷ ശക്തമാക്കി വനം വകുപ്പ്

ഇടുക്കി: ഇടുക്കി ജില്ലയിലെ സത്രം -പുല്ലുമേട് കാനനപാതയില്‍ അയ്യപ്പഭക്തരുടെ സുരക്ഷ ശക്തമാക്കി വനം വകുപ്പ്. കാട്ടാന ആക്രമണത്തില്‍ അയ്യപ്പഭക്തന്‍ മരിക്കാനിടയായ സാഹചര്യത്തിലാണ് കാനനപാതയില്‍ വനം വകുപ്പിന്റെ നേത്യത്വത്തില്‍ പ്രത്യേക നിരീക്ഷണ സംഘത്തെ നിയോഗിച്ചത്.

ശബരിമലയിലേയ്ക്ക് ഏറ്റവും കൂടതല്‍ അയ്യപ്പ ഭക്തര്‍ എത്തുന്ന പരമ്പരാത കാനനപാതയാണ് സത്രം – പുല്ലുമേട് കാനനപാത. ഇത്തവണ ഇതുവരെ ഇരുപതിനായിരത്തിലധികം ഭക്തരാണ് കാനനപാത വഴി ശബരിമലയില്‍ എത്തിയത്. എന്നാല്‍ കഴിഞ്ഞ തവണ നാല്‍പതിനായിരത്തിന് മുകളില്‍ ഭക്തര്‍ പുല്ലുമേട് വഴി ശബരിമലയില്‍ എത്തിയിരുന്നു. എരുമേലി കാനനപാതയില്‍ കോരുത്തോട് അയ്യപ്പഭക്തന്‍ കാട്ടാനയുടെ ആക്രമണത്തില്‍ കൊല്ലപ്പെട്ട സാഹചര്യത്തില്‍ കാട്ടാനകളെ നിരീക്ഷിക്കാന്‍ പ്രത്യേക വനപാലക സംഘത്തെയും നിയോഗിച്ചിട്ടുണ്ട്.

സത്രം, സീതക്കുഴി ,സീറോ പോയിന്റ്, ഉപ്പുപാറ , കഴുതക്കുഴി, സന്നിധാനം എന്നിവിടങ്ങളിലാണ് പ്രത്യേക സംഘം നില ഉറപ്പിച്ചിരിക്കുന്നത്.ഇവരുടെ നിര്‍ദ്ദേശത്തെ തുടര്‍ന്ന് ചെറു സംലങ്ങളായാണ് അയ്യപ്പഭക്തരെ കടത്തി വിടുന്നത്. മകര വിളക്ക് ദിനമായ തിങ്കളാഴ്ച രണ്ടു മണി വരെ മാത്രമേ ഭക്തരെ സത്രം പുല്ലുമേട് കാനന പാത വഴി കടത്തിവിടു എന്നും അധികൃതര്‍ അറിയിച്ചു.

508 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close